'एक व्हिलन रिटर्न्स' ( Ek Villan Returns) हा चित्रपट बऱ्याच दिवसांपासून चर्चेत होता. एक व्हिलनचा पहिला भाग 8 वर्षांपूर्वी रिलीज झाला होता. आता या चित्रपटाचा सिक्वेल रिलीज होणार आहे. नुकतेच 'एक व्हिलन रिटर्न्स' चे काही पोस्टर्स रिलीज करण्यात आले होते. ज्यामध्ये दिशा पटानी, जॉन अब्राहम, अर्जुन कपूर आणि तारा सुतारिया या चित्रपटाची स्टारकास्ट रिलीज झाली होती. यासोबतच आता चित्रपटाचा ट्रेलर आणि रिलीज डेटही जाहीर करण्यात आली आहे. (Ek Villan Returns news)

गेल्या दोन दिवसांत एकूण 7 पोस्टर्स रिलीज करण्यात आले आहेत. 'एक व्हिलन रिटर्न्स' च्या चार पोस्टरमध्ये अर्जुन कपूर, तारा सुतारिया, जॉन अब्राहम आणि दिशा पटानी मास्क घातलेले दिसत आहेत.बाकी पोस्टर्समध्ये दिशा पटानी- जॉन अब्राहम आणि तारा सुतारिया- अर्जुन कपूर ही जोडी दिसत आहे.या पोस्टर्समुळे प्रेक्षकांमध्ये चांगलीच उत्सुकता निर्माण झाली असून चाहत्यांच्या अपेक्षाही वाढल्या आहेत.

* चित्रपट आणि ट्रेलर कधी रिलीज होणार
हे पोस्टर्स (Poster) शेअर करताना कॅप्शनमध्ये लिहिले आहे की, 'नायक आणि नायिकेच्या कथा खूप आहेत, आता खलनायकाची कथा जाणून घेण्याची पाळी आहे. यासोबतच चित्रपटाची रिलीज डेट आणि ट्रेलर रिलीज करण्यात आला आहे. चित्रपटाचा ट्रेलर 30 जून रोजी रिलीज होईल, तर चित्रपट (Movie) 29 जुलै 2022 रोजी रिलीज होईल. मोहित सुरी दिग्दर्शित एक व्हिलन रिटर्न्स, टी-सीरीज आणि बालाजी टेलिफिल्म्स यांनी संयुक्तपणे निर्मित केला आहे.