हॉलिवूड अभिनेत्री ड्र्यू बॅरीमोर आणि यूट्यूबर लिली सिंग यांचा एक व्हिडिओ सोशल मिडियावर व्हायरल झाला आहे. या व्हिडिओमध्ये अक्षय कुमार आणि शिल्पा शेट्टी या दोघांच्या प्रसिद्ध "चुरके दिल मेरा" या गाण्यावर डान्स करताना दिसत आहेत. खरी गंमत म्हणजे ड्रू परफेक्ट लिपसिंक करतांना दिसत आहे. या व्हिडिओवर अक्षय कुमारने देखील प्रतिक्रिया दिली आहे.

कॅनेडाची यूट्यूबर लिली सिंग हॉलिवूड अभिनेत्री ड्र्यू बॅरीमोरला भेटली तेव्हा त्यांनी खूप मस्ती केली. या दोघीनी बॉलिवूडच्या (Bollywood) सुपरहिट गाण्यावर 'चुरा के दिल मेरा'वर धमाल डान्स केला. लिली ड्रू बॅरीमोरच्या शोमध्ये पाहुणी म्हणून पोहोचली होती. लिलीने तिच्या इन्स्टाग्राम (Instagram) अकाऊंटवर व्हिडिओ शेअर केला आहे. तिने लिहिले, "शेवटी ड्र्यू बॅरीमोरला भेटले आणि तिने माझे हृदय चोरले."

लिली सिंग शाहरुख खानच्या हुक स्टेपने डान्स सुरू करत असल्याचे व्हिडिओमध्ये (Video) दिसत आहे. 'चुरा के दिल मेरा'चे हुक स्टेपही दोघे करतात. यानंतर, ड्रू थोडे या गाण्यांचे लिपसिंक करतांना दिसत आहे.

* अक्षय कुमारनेही केले कौतुक

लोकांना हा व्हिडिओ खूप आवडला आहे. बॉलीवुडमधील खिलाडी अक्षय कुमारनेही त्यांच्या डान्सचे कौतुक केले आहे. त्याचबरोबर फ्रीडा पिंटोनेही कौतुक केले आहे. मोटिव्हेशन स्पीकर जय शेट्टी यांनी ड्रूच्या लिपसिंकचे कौतुक केली आहे.