Taapsee Pannu: बॉलीवूडची अभिनेत्री तापसी पन्नूने काही दिवसांपूर्वी घातलेल्या दागिण्यांवरुन मोठा वाद सुरु झाला आहे. तापसीने घातलेले दागिने हिंदू देवदेवतांच्या प्रतिमा असलेले होते. त्यामुळे या वादाने मोठे स्वरुप धारण केले आहे.

आता हिंद रक्षक संघटनेच्या संयोजकाने बॉलीवूड अभिनेत्री तापसी पन्नूविरोधात पोलीस ठाण्यात कारवाईबाबत अर्ज दाखल केला आहे.

काही दिवसांपूर्वी तापसी पन्नूने तिच्या इंस्टाग्राम अकाउंटवर एक व्हिडिओ अपलोड केला होता. या व्हिडिओमध्ये तिने अशोभनीय कपडे घातले आहेत आणि तिच्या गळ्यात आराध्य देवी लक्ष्मी मातेचे लॉकेट घातलेले आहे.

तापसीचे हे कृत्य सनातन धर्माच्या भावनांचा अपमान करणारे आहे, असे म्हणत हिंद रक्षक संघटनेचे एकलव्य यांनी तापसीविरुद्ध कारवाईची मागणी केली आहे. तापसी पन्नूवर योग्य कारवाई न झाल्यास शेकडो तरुण रस्त्यावर उतरून आंदोलन करतील असा इशाराही त्यांनी दिलाय.

त्यामुळे हिंद संघटनेचा इशारा लक्षात घेऊन आता तापसीवर कारवाई होणार का हे पाहणे महत्वाचे ठरणार आहे. याबरोबरच, आता तापसी काय प्रतिक्रिया देणार हे पाहणे महत्वाचे ठरणार आहे.