बॉलिवूडमधील प्रसिद्ध अभिनेत्री दीपिका पदुकोण (Deepika Padukone) सध्या फ्रान्स मध्ये आहे. दीपिका कान्स फिल्म फेस्टिव्हलमध्ये सहभागी झाली आहे. या फेस्टिव्हलची ती ज्युरी आहे. कान्स फिल्म फेस्टिव्हलच्या रेड कार्पेटसाठी नुकताच दीपिकानं क्लासी लूक केला होता. ब्लँक कलरचा सूट आणि गळ्यामध्ये एक पँथरची डिझाइन असलेला नेकलेस परिधान केला होता. जाणून घेऊयात दीपिकाच्या या नेकलेसच्या वैशिष्ट्य काय आहे. (Deepika Padukone cannes film festival 2022 latest News)

दीपिकाच्या (Deepika Padukone) नेकलेसची किंमत चार कोटी 48 लाख रूपये आहे. हा नेकलेस 18 कॅरेट व्हाईट गोल्ड, एमराल्ड आणि डायमंडपासून तयार केला आहे. हे सर्व मिळून हा नेकलेस 19.05 कॅरेटचा आहे. दीपिकाने इन्स्टाग्राम अकाऊंटवर तिचे सुंदर फोटो शेअर केले आहेत.

कान्स फिल्म फेस्टिव्हलमुळे दीपिका सध्या सोशल मिडियावर प्रचंड चर्चेत आहे. दीपिकने तेथील भारतीय पॅव्हेलियनमध्ये लोकांना संबोधित करताना सांगितले की, 'एक दिवस कान भारतात येईल आणि आंतरराष्ट्रीय स्तरावर भारतीय चित्रपटांची (Movie) प्रतिष्ठा मोठी होईल.'

दीपिकाचा काही दिवसांपूर्वी 'गेहराईंया' हा चित्रपट रिलीज झाला होता. या चित्रपटामधील दीपिकाच्या आणि अभिनेता सिद्धांत चतुर्वेदी यांच्या केमिस्ट्रीनं अनेकांची मनं जिंकली. या चित्रपटामध्ये अभिनेत्री अनन्या पांडेनं देखील प्रमुख भूमिका साकारली होती. दीपिकाच्या आगामी चित्रपटाची चाहते उत्सुकतेने वाट पाहात आहेत.