Crew Movie New Song Naina Release

बॉलिवूडच्या तीन सुंदर अभिनेत्री तब्बू, करीना कपूर खान, क्रिती सेनन एकाच फ्रेममध्ये असलेला क्रू चित्रपट गेल्या अनेक दिवसांपासून चर्चेत आहे. आता या चित्रपटातील पहिले गाणे रिलिज झाले असून प्रेक्षकांना हा ट्रॅक आवडला असल्याचे पाहायला मिळत आहे.

नैना असे या ट्रॅकचे नाव आहे. म्युझिक व्हिडिओमध्ये, चित्रपटाच्या तीन प्रमुख अभिनेत्री, तब्बू, करीना कपूर खान आणि क्रिती सेनॉन खूपच ग्लॅमरस दिसत आहेत, ज्याभोवती चित्रपटाची संपूर्ण कथा फिरताना दिसणार आहे. चित्रपटातील हे गाणे दिलजीत दोसांझ आणि बादशाह यांनी मिळून संगीतबद्ध केले आहे.

राजेश ए. कृष्णन दिग्दर्शित, बालाजी टेलिफिल्म्स आणि अनिल कपूर फिल्म अँड कम्युनिकेशन नेटवर्कचा हा बहुप्रतिक्षित चित्रपट 29 मार्च 2024 रोजी थिएटरमध्ये प्रदर्शित होणार आहे. या चित्रपटाची कथा तीन एअर होस्टेसची आहे, ज्यांना काम करताना विविध प्रकारच्या समस्यांना सामोरे जावे लागते आणि या सगळ्यात तिघीही आयुष्यातील कठीण आव्हान सामोरे जाताना पाहयला मिळणार आहे. आता बॉक्स ऑफीसवर हा चित्रपट किती कमाई करणार हे पाहणे महत्वाचे ठरणार आहे.