Irfan Pathan Debut Film Cobra: क्रिकेटच्या मैदानात आतापर्यंत बाजी मारणारा इरफान पठाण 'कोब्रा' या तमिळ चित्रपटातून अभिनयाच्या जगात पाऊल ठेवणार आहे. या चित्रपटाचा ट्रेलर रिलीज झाला आहे. हा क्रिकेटर पोलिस अधिकाऱ्याच्या भूमिकेत दिसत आहे. अजय ग्यानमुथु दिग्दर्शित हा चित्रपट 31 ऑगस्ट रोजी थिएटरमध्ये प्रदर्शित होणार आहे. या चित्रपटात इरफानसोबत तमिळ अभिनेता चियान विक्रम मुख्य भूमिकेत दिसणार आहे. हा ट्रेलर सोशल मीडियावर शेअर करून सहकारी क्रिकेटपटू सुरेश रैनाने या चित्रपटाविषयीची उत्सुकता व्यक्त केली.

क्रिकेटरचा अष्टपैलू खेळाडू इरफान पठाणने आता अभिनयातही हात आजमावण्याचा निर्णय घेतला आहे. तो 'कोब्रा' चित्रपटातून डेब्यू करत आहे. सुरेश रैनाने इंस्टाग्रामवर 'कोब्रा'चा ट्रेलर शेअर केला आणि अभिनंदन करत लिहिले, 'इरफान पठाण तुला कोब्रामध्ये परफॉर्म करताना पाहून मला खूप आनंद झाला. चित्रपटाच्या यशाबद्दल मी तुमचे आणि संपूर्ण टीमचे अभिनंदन करतो. थेटरमध्ये पाहण्यासाठी आता प्रतीक्षा करू शकत नाही'.

पोलीस अधिकाऱ्याच्या भूमिकेतील इरफान पठाण

या चित्रपटासाठी अनेक क्रिकेटप्रेमी आणि चित्रपट चाहतेवाट पाहत आहे. क्रिकेटच्या मैदानावर धमाकेदार खेळी खेळणारा इरफान पडद्यावर कसा परफॉर्म करतो हे पाहण्याची उत्सुकता आहे. 'कोब्रा' चित्रपटाला संगीत प्रसिद्ध संगीतकार ए आर रहमान यांनी दिले आहे. या चित्रपटात इरफान इंटरपोल अधिकाऱ्याच्या भूमिकेत दिसणार आहे.

2020 मध्ये एका तमिळ चित्रपटातून पदार्पण करणाऱ्या इरफान पठाणने त्याच्या वाढदिवसानिमित्त चित्रपटात काम करण्याबाबत माहिती देऊन चाहत्यांना आश्चर्यचकित केले होते. तेव्हा आता हा चित्रपट रिलीजसाठी सज्ज आहे. आउट ऑफ द बॉक्स चित्रपट बनवणाऱ्या चियान विक्रमलाही या चित्रपटाकडून खूप आशा आहेत. हा चित्रपट तामिळ आणि तेलुगू भाषांमध्ये प्रदर्शित होणार आहे.