पंतप्रधान नरेंद्र मोदी (Prime Minister Narendra Modi) यांचा आज 71 वा वाढदिवस आहे. त्यांच्यावर देशभरातून शुभेच्छांचा वर्षाव होत आहे. यामध्ये बॉलीवुड कलाकारसुद्धा मागे नाहीत. अक्षय कुमार, कंगना रणावत, विवेक ओबेरॉय, अभिषेक बच्चन यांच्यासह अनेक कलाकारांनी पंतप्रधानांना वाढदिवसाच्या अनेक शुभेच्छा दिल्या आहेत.

तुम्ही निरोगी आणि आनंदी राहा हीच देवा चरणी प्रार्थना करतो अशा शब्दांत बॉलीवुड अभिनेता अक्षय कुमारने पंतप्रधान मोदींना शुभेच्छा दिल्या आहेत.

तुम्हाला वाढदिवसाच्या शुभेच्छा आणि तुम्हाला दिर्घायुष्य लाभो असे ट्विट करत बॉलीवुड अभिनेता अभिषेक बच्चन याने पंतप्रधान मोदींना शुभेच्छा दिल्या आहेत.

बॉलीवुड अभिनेत्री नेहा धुपियाने ट्विट करत पंतप्रधान नरेंद्र मोदींना वाढदिवसाच्या शुभेच्छा दिल्या आहेत.

अभिनेता विवेक ओबेरॉयने ट्विट करत लिहिले, भारताची संस्कृती आणि भारताच्या तंत्रज्ञानाच्या संगमासह भारताला जागतिक गुरु बनवणारे युगपुरुष पंतप्रधान मोदीजी यांना वाढदिवसाच्या हार्दिक शुभेच्छा. देव तुम्हाला दीर्घायुष्य देवो आणि नेहमी निरोगी आयुष्य लाभो. जय हिंद

बॉलीवुड अभिनेत्री कंगना राणावतने तिच्या इन्स्टाग्राम अकाऊंटवर त्यांच्या सोबतचा फोटो शेअर करत पंतप्रधान मोदीजींना शुभेच्छा दिल्या आहेत.