बॉलिवूड अभिनेत्री आलिया भट्ट (Alia Bhatt) आणि रणबीर कपूरच्या (Ranbir Kapoor) 'ब्रम्हास्त्र' (Brahmastra) चित्रपटाची प्रेक्षक आतुरतेनं वाट पाहत आहेत. अयान मुखर्जीच्या (Ayan Mukerji) बहुप्रतीक्षित 'ब्रम्हास्त्र' चित्रपटाने रिलीज होण्यापूर्वीच एक विक्रम नोंदवला आहे. वॉल्ट डिस्ने स्टुडिओ पिक्चर्सच्या ग्लोबल रिलीज कॅलेंडरमध्ये स्थान मिळवून हा भारतातील पहिला चित्रपट ठरला आहे. (Ranbir Kapoor Alia Bhatt latest movie Brahmastra News)

अयान मुखर्जीने 'ब्रम्हास्त्र' (Brahmastra) चित्रपटाच्या दिग्दर्शनाची धुरा सांभाळली आहे. तर करण जोहरने चित्रपटाची निर्मिती केली आहे. या चित्रपटामध्ये आलिया-रणबीरसह अमिताभ बच्चन (Amitabh Bachchan), मौनी रॉय (Mouni Roy), अक्किनेनी नागार्जुन (Nagarjun Akkineni) महत्त्वाच्या भूमिकेत दिसणार आहेत. हा चित्रपट 9 सप्टेंबर 2022 प्रेक्षकांच्या भेटीला येणार आहे.

'ब्रह्मास्त्र’ या सिनेमाची घोषणा ऑक्टोबर 2017 मध्ये झाली होती. त्यानंतर फेब्रुवारी 2018 मध्ये या चित्रपटाचे (Movie) शूटिंग सुरू झाले. याआधी जून आणि नंतर सप्टेंबर 2019 मध्ये या चित्रपटाचे शूटिंग वाराणसीमध्ये झाले होते. या चित्रपटाद्वारे आलिया भट्ट आणि रणबीर कपूर पहिल्यांदाच रुपेरी पडद्यावर एकत्र दिसणार आहेत.