गेल्या काही महिन्यांपासून आपल्या रिलेशनशिपमुळे चर्चेत असलेले आदमी पार्टीचे राज्यसभा खासदार राघव चढ्ढा आणि चित्रपट अभिनेत्री परिणीती चोप्रा यांच्या एंगेजमेंटची (Engagement) तारीख निश्चित झाली आहे, अशी माहिती आहे.

अभिनेत्री परिणीती चोप्रा (Parineeti Chopra) आणि आम आदमी पार्टी (AAP) खासदार राघव चढ्ढा (Raghav Chadha) हे जोडपे आयपीएल मॅचमध्ये किंवा डिनर डेटवर वारंवार एकत्र दिसले आहे. 13 मे रोजी ते एंगेजमेंट करणार असल्याची माहिती आहे. एकीकडे या तारखांच्या वावड्या सुरू असतानाच आज, मंगळवारी दोघेही दिल्लीत आले.

(Parineeti Chopra - Raghav Chadha Engagement Date)

परिणीती चोप्रा आणि राघव चढ्ढा याआधी मुंबई विमानतळावर स्पॉट झाले होते. आता, त्यांच्या एंगेजमेंटच्या आधी, अफवा असलेले जोडपे नवी दिल्लीत आले आहेत. परिणीती लाल रंगात सुंदर दिसत होती, तर राघवने कॅज्युअलमध्ये ती साधी ठेवली होती.

त्यांचा हा व्हिडिओ सोशल मीडियात व्हायरल झाला आहे. जेव्हा पॅपराझींनी त्यांना पोज देण्यास सांगितले तेव्हा ते दोघेही लाजले. एकाने चड्ढा यांना स्माईल करायला सांगत वडिलांना लग्नाला बोलवणार का, असा सवालही केला.

राघव चढ्ढा आणि परिणीती चोप्रा हे याच महिन्यात शनिवारी, १३ मे रोजी साखरपुडा करत असल्याची माहिती आहे. याला आम आदमी पक्षानेही दुजोरा दिला आहे. मात्र, या दोघांना याविषयी विचारल्यावर त्यांनी हे वृत्त फेटाळून लावले.

एंगेजमेंट सोहळ्याची सुरुवात 'अरदास'ने होईल आणि त्यानंतर मुख्य कार्यक्रम होईल जिथे ते एकमेकांना अंगठी घालतील. या जोडप्याचे कुटुंबीय आणि जवळचे मित्र या सोहळ्यात सहभागी होणार आहेत, असे कळते.

सूत्रांच्या माहितीनुसार परिणिती आणि राघव यांच्या लग्नातील रोका हा कार्यक्रम पार पडला आहे. हा कौटुंबिक कार्यक्रम होता. दरम्यान, या वर्षाच्या ऑक्टोबर अखेर दोघे लग्न करतील, अशी माहिती आहे.

या दोघांच्या डेटिंगची बातमी पहिल्यांदा मार्च महिन्यात समोर आली होती, दोघे एका रेस्टॉरंटमध्ये एकत्र दिसले होते. त्यानंतर दोघेही दिल्ली-मुंबईत अनेक ठिकाणी एकत्र दिसले. एकदा राज्यसभेतही सभापती जगदीप धनखड यांनी राघव चढ्ढा यांना यावरून छेडले होते.

तर एएनआयच्या रिपोर्टरने राघव यांना परिणीतीशी लग्नाबद्दल प्रश्न विचारल्यावर राघव यांनी राजकारणावर प्रश्न विचारा, असे म्हटले होते. दरम्यान, सेलिब्रिटी कपलची नावे जशी दोघांच्या नावावरून ठेवली जातात, तसेच या कपलचेही नवे नाव सध्या गाजते आहे. सोशल मीडियात 'रागनीती' असे नाव या जोडप्याला मिळाले आहे.