रशिया आणि युक्रेनमधील युद्धामुळे जगभरात दहशत पसरली आहे. दोन्ही देशांमध्ये सतत बॉम्बस्फोट होत आहे. या युद्धाचा सर्वाधिक परिणाम युक्रेनवर होत आहे. हजारो युक्रेनियन लोकांना त्यांची घरे सोडण्यास भाग पाडले गेले आहे. इतर देशांमध्ये स्थायिक झालेले बरेच लोक युक्रेनमधील त्यांच्या कुटुंबियांबद्दल आणि मित्रांबद्दल काळजीत आहेत. बॉलीवूडमध्ये काम करणारी युक्रेनियन अभिनेत्री नतालिया कोझेनोव्हाने (Nataliya) देखील तिच्या कुटूंबाबद्दल काळजी व्यक्त केली आहे.

नतालियाला कुटुंबाची काळजी

टाइम्स ऑफ इंडियाशी झालेल्या संवादात नतालियाने युक्रेनमधील सध्याच्या परिस्थितीत अडकलेल्या तिच्या कुटुंबाबद्दल चिंता व्यक्त केली.'माझे संपूर्ण कुटुंब, माझी आई वडील, दोन भाऊ, दोन पुतणे युक्रेनच्या रिव्हने (Rivne) शहरात राहतात. माझ्या देशातील परिस्थिती गंभीर आहे. रशियाने आपल्यावर अतिशय आक्रमकपणे आणि अनेक प्रकारे हल्ले केले आहेत. मी माझ्या आईशी बोलले तिने मला सांगितले की रशियन सैन्य त्यांच्या शहराजवळ येत आहे आणि त्यांना घर रिकामे करण्यास आणि सुरक्षित ठिकाणी जाण्याच्या सूचना दिल्या जात आहेत. मृत्यूच्या भीतीमुळे माझ्या कुटुंबाने स्वतःला घरात कोंडून घेतले आहे. आता मला त्यांच्याशी संपर्क साधता येत नाही,' असे म्हणत नतालियाने आपल्या कुटूंबियांप्रती चिंता व्यक्त केली.

कुटुंबाला काही झाले तर मी अनाथ होईल: नतालिया

तिची इच्छा आहे की तिचे कुटुंब भारतात यावे पण त्यांना परत आणण्याचा कोणताही पर्याय तिच्याकडे नाही.'माझ्या कुटुंबाला काही झाले तर मी अनाथ होईल. मला त्याच्याशिवाय कोणीही नाही, असे म्हणच तिने भारत युक्रेनला पाठिंबा देईल अशी आशा व्यक्त केली आहे.

युक्रेनियन अभिनेत्रीची बॉलिवूडमध्ये एंट्री

युक्रेनियन अभिनेत्री नतालिया बॉलिवूडमध्ये करिअर करण्यासाठी काही वर्षांपूर्वी भारतात आली होती. अत‍िथ‍ि तुम कब जाओगे, अंजुना बीच, सुपर मॉडल, तेरे जिस्म से जान तक, बोले इंड‍िया जय भीम, लव वर्सेज गैंगस्टर, वेब सीरील गंदी बात मध्ये तिने काम केले आहे.