बॉलिवूड मधील प्रसिद्ध अभिनेता सलमान खानला साप चावला आहे. पनवेल येथील फार्महाऊसवर शनिवारी आणि रविवारी मध्यरात्री सलमान खानला साप चावला. मिळालेल्या माहितीनुसार, सलमान खानला बिनविषारी साप चावला आहे, त्यामुळे दबंग खानवर त्याचा फारसा परिणाम झालेला नाही, असे सांगण्यात येत आहे. साप चावल्यानंतर सलमान खानला नवी मुंबईतील कामोठे परिसरातील एमजीएम (महात्मा गांधी मिशन) रुग्णालयात दाखल करण्यात आले.

उपचारानंतर सलमान खान (Salman Khan) आज सकाळी 9 वाजता त्याच्या पनवेलच्या फार्महाऊसवर परतला. सलमान खानची प्रकृती धोक्याबाहेर असून तो लवकरच बारा होईल. सध्या सलमान खानची प्रकृती ठीक असल्याचे सांगण्यात येत आहे. सध्या सलमान खान त्याच्या फार्महाऊसवर आहे.

27 डिसेंबरला सलमान खानचा वाढदिवस आहे

सलमान खान 56 वर्षांचा होणार आहे. 27 डिसेंबर रोजी तो आपला 56 वा वाढदिवस साजरा करणार आहे. कोरोनामुळे सलमान यावेळी फार जोरात वाढदिवस साजरा करणार नाहीये. रिपोर्टनुसार, यावेळी सलमानच्या वाढदिवसानिमित्त एक छोटीशी पार्टी होणार आहे. सलमान खान त्याचा वाढदिवस पनवेलच्या फार्महाऊसवर साजरा करणार आहे. कुटुंबातील सदस्य आणि काही खास मित्र या पार्टीत सहभागी होणार आहेत.

रिपोर्टनुसार, सलमानचा प्लॅन असा आहे की तो खूप लोकांना आमंत्रित करणार नाही, तो खूप साधा ठेवणार आहे. तसे, प्रत्येक वेळी सलमान खानच्या वाढदिवसाला पाहुण्यांची यादी खूप मोठी असते. मात्र गेल्या दोन वर्षांपासून कोरोनामुळे सलमान आपला वाढदिवस शांततेत साजरा करणार आहे. लोकांचा जीव धोक्यात न टाकल्यामुळे तो अधिक लोकांना आमंत्रित करत नाही.