Bigg Boss 17: 'बिग बॉस 17'ची धमाकेदार सुरुवात झाली आहे. 15 ऑक्टोबरला प्रीमियर झालेल्या या गेम शोमधील स्पर्धकांनी आता आपले खरे रंग दाखवायला सुरुवात केली आहे. आता या सीझनमधल्या पहिल्या नॉमिनेशनला सुरुवात झाली आहे. आता याचा प्रोमो रिलिज झाला असून बहुतेकजण मन्नाराला नॉमिनेट करताना दिसत आहेत.

बिग बॉस 17 च्या प्रोमोमध्ये, बिग बॉसने घोषणा केली की या सीझनच्या प्रथमच नामांकनाची प्रक्रिया सुरू झाली आहे. ज्या दिल रुममध्ये मन्नारा राहत आहे तिथे सगळे मिळून मन्नाराला नॉमिनेट करतात. आपल्याच लोकांचा विश्वासघात पाहून मन्नारा रडताना दिसत आहे. त्यानंतर बिग बॉस तिला कन्फेशन रूममध्ये बोलावतात. आता मन्नारा आणि बिग बॉसमध्ये काय बोलणे होणार हे ऐकण्याची आणि पाहण्याची प्रेक्षकांना उत्सुकता लागली आहे.

दरम्यान, अभिषेक कुमार आणि ईशा मालवीय यांच्यातील वाद संपण्याचे नाव घेत नसल्याचे चित्र दिसत आहे. पहिल्याच दिवशी एकमेकांवर तुटुन प़डणारे अभिषेक आणि ईशा पुन्हा एकदा भांडताना दिसणार आहेत. आता या भांडणात अनेकजण सामील होणार असल्याचे प्रोमोमध्ये पाहायला मिळत आहे. एकंदरीत 'बिग बॉस 17' मध्ये पहिल्या दोन दिवसात बरीच मारामारी पाहायला मिळाली आहे.

आता बिग बॉसच्या( Bigg Boss ) १७ व्या सीझनला धुमधडाक्यात सुरुवात झाली आहे. सर्व स्पर्धक एकमेकांवर भारी पडताना दिसत आहेत. आता कोण स्वत:ला सिद्ध करणार, कोण प्रेक्षकांच्या मनात आपली जागा तयार करणार आणि कोण खेळात ऊर्जा टिकवून ठेवणार हे पाहणे महत्वाचे ठरणार आहे.