अभिनेत्री बरखा बिश्तने चाहत्यांना एक धक्का दिला आहे. मिळालेल्या माहितीनुसार बरखा पती इंद्रनीलला लवकरच घटस्फोट देणार आहे. मार्च 2008 मध्ये लग्न झालेले इंद्रनील सेनगुप्ता आणि बरखा बिश्त गेल्या दोन वर्षांपासून वेगळे राहत आहेत.

समोर आलेल्या माहितीनुसार त्यांचा घटस्फोट लवकरच होण्याची शक्यता आहे. माध्यमांनी बरखाकडे संपर्क साधला तेव्हा ती म्हणाली, “हो, आमचा घटस्फोट लवकर झाला पाहिजे. हा माझ्या आयुष्यातील सर्वात कठीण निर्णयांपैकी एक आहे.”

इंद्रनील आणि बरखा 2006 मध्ये प्यार के दो नाम...एक राधा एक श्यामच्या सेटवर भेटले. तिथेच ते प्रेमात पडले आणि दोन वर्षांनंतर त्यांनी लग्न केले.

त्यांना मीरा ही 11 वर्षांची मुलगी आहे. जून २०२१ मध्ये त्यांच्या वैवाहिक जीवनात अडचणी आल्याच्या बातम्या आल्या तेव्हा त्यांचे मित्र आणि सहकाऱ्यांना धक्का बसला होता.

बरखाने विभक्त होण्यामागील कारणांवर बोलण्यास नकार दिला, परंतु तिने तिची मुलगी आणि काम हेच तिच्यासाठी सर्वोच्च प्राधान्य असल्याचं सांगितलं आहे. ती म्हणाली, “मी सिंगल मदर आहे आणि मीरा ही माझी प्राथमिकता आहे. कामाच्या बाबतीत, मी OTT वर काही प्रोजेक्ट करत आहे. मी टीव्ही आणि चित्रपटांमध्येही चांगल्या प्रोजेक्टची तयारी करत आहे .”

बरखाने अनेक टीव्ही शो आणि चित्रपटांमध्ये काम केले आहे. तिने अलीकडेच शादी मुबारक, 'परमावतार श्री कृष्णा'त काम केले आहे आणि राम लीला आणि खलनायक सारख्या चित्रपटांचाही ती महत्त्वाचा भाग आहे. तर इंद्रनील निमकी मुखिया आणि श्रीमद भागवत पुराण सारख्या कार्यक्रमांचा भाग आहे आणि गेल्या काही वर्षांपासून बंगाली चित्रपटांमध्ये काम करत आहे.