Arjun Kapoor: बॉलीवूडचे कलाकार कोणत्या ना कोणत्या कारणाने चर्चेत असतात. आता अर्जून कपूर कोणत्या चित्रपटामुळे नाही तर त्याने काढलेल्या टॅटूमुळे चर्चेत आला आहे.

अर्जुन कपूरने नव्या वर्षाची सुरुवात स्वत:मध्ये एका नव्या बदलाने केली आहे. '2 स्टेट्स', 'इशकजादे' आणि 'मुबारका' सारखे सिनेमे केलेल्या बॉलिवूड अभिनेता अर्जुन कपूरने नवीन वर्षाचे स्वागत थोडे हटके केले आहे. त्याच्या पायाच्या मागच्या बाजूला त्याने एक नवीन टॅटू काढला आहे. या टॅटूमध्ये 'राईज' असे लिहिले आहे.

अर्जूनने मंगळवारी त्याच्या इंस्टाग्रामवर टॅटू डिझाइनचा एक व्हिडिओ शेअर केला. त्याने कॅप्शनमध्ये लिहिले की, 'आपण जे होतो त्याच्या राखेतूनच आपण ते बनू शकतो जे बनायचे आहे.' यासह, त्याने काही हॅशटॅग देखील वापरले आहेत ज्यात #RisingFromTheAshes #Inked #2024 असे आहे.

टॅटू व्हिडिओ झाला चांगलाच व्हायरल

अर्जुनचा हा टॅटू व्हिडिओ सोशल मीडियावर चांगलाच व्हायरल होत आहे. अभिनेता अभिषेक बच्चनने त्याच्या व्हिडिओ पोस्टवर हात वर करत इमोजीसह प्रतिक्रिया दिली आहे. सोशल मीडिया यूजर्सनीही या टॅटूवर कमेंट केल्या आहेत. लोकांनी लिहिले आहे - भव्य टॅटू. अर्जुनचा हा टॅटू लोकांना खूप आवडला असून त्यांनी या पोस्टवर हार्ट इमोजी आणि फायर इमोजी शेअर केले आहेत. यासोबतच या पोस्टवर अनेक कमेंट्स आहेत ज्यामध्ये लोक टॅटू बनवणाऱ्या मुलीचे कौतुक करत आहेत.

अर्जून भूमी पेडणेकर आणि रकुल प्रीतसोबत दिसणार

अर्जुन यापूर्वी 'कुत्ते' या कॉमेडी चित्रपटात दिसला होता. तो लवकरच एका रोमँटिक कॉमेडी चित्रपटात दिसणार आहे, ज्यात अभिनेत्री भूमी पेडणेकर आणि रकुल प्रीत सिंग यांच्या सहकलाकार आहेत.