बॉलिवूडमधील प्रसिद्ध अभिनेत्री तापसी पन्नू केवळ तिच्या उत्कृष्ट अभिनयासाठी ओळखली जाते. चाहते तापसी पन्नूच्या चित्रपटांची आतुरतेने वाट पाहत होते. आता त्यांची आतुरता संपली असून चाहत्यांसाठी एक आनंदाची बातमी समोर आली आहे. तापसी पन्नूचा आगामी चित्रपट 'दोबारा' (Dobaaraa) बऱ्याच दिवसांपासून चर्चेत आहे आणि आता त्याची रिलीज डेट समोर आली आहे. हा चित्रपट अनुराग कश्यप दिग्दर्शित करत असून तापसी आणि अनुरागच्या जोडीकडून चाहत्यांना खूप अपेक्षा आहेत. (Taapsee Pannu's Dobaaraa Release Date News)

एकता कपूर आणि अनुराग कश्यप (Anurag Kashyap) यांचा बहुप्रतिक्षित नवीन काळातील थ्रिलर 'दोबारा' 19 ऑगस्ट 2022 रोजी रिलीज होणार आहे. तापसी पन्नू (Taapsee Pannu) या चित्रपटामध्ये मुख्य भूमिकेत दिसणार आहे. शोभा कपूर आणि एकता आर कपूर आणि सुनीर खेतरपाल आणि गौरव बोस यांनी निर्मीत केला आहे.

ही नवीन काळातील थ्रिलर असल्याचे म्हटले जाते, तापसी आणि अनुराग तिसऱ्यांदा एकत्र काम करतांना दिसणार आहे. 'दोबारा'सोबत तापसी आणि पावेल गुलाटी यांची हिट जोडी थप्पडच्या जबरदस्त यशानंतर पुन्हा एकत्र येणार आहे.

दोबारा हा बालाजी मोशन पिक्चर्स, कल्ट मूव्हीजच्या नवीन विंग अंतर्गत येणारा पहिला चित्रपट (Movie) आहे, जो आकर्षक कथा सांगणारा आहे. तुमच्या जवळील चित्रपटगृहांमध्ये 19 ऑगस्ट 202 रोजी चित्रपटगृहात पाहायला मिळणार आहे.