Alia Bhatt: २०२३ मध्ये बॉलीवूडने अनेक ब्लॉकबस्टर चित्रपट दिले आहेत, त्यापैकी एक चित्रपट म्हणजे अॅनिमल आहे. आता या चित्रपटाची सक्सेस पार्टी आयोजित केली होती. आता या पार्टीवरुन नेटकऱ्यांमध्ये चर्चा रंगल्या आहेत. या पार्टीमध्ये संपूर्ण स्टारकास्ट सहभागी झाली होती. रणबीरसोबत त्याची पत्नी आलिया भट्ट, सासरे महेश भट्ट आणि आई नीतू सिंग होते. चौघांनीही पापाराझींसमोर एकत्र पोज दिली, पण काही वेळाने यूजर्स नाराज झाले.

आलिया भट्ट आणि नीतू सिंग यांनी पापाराझींना पोज देताना ज्या प्रकारे एकमेकांकडे दुर्लक्ष केले ते लोकांना आवडले नाही. काही युजर्सनी असा दावाही केला आहे की, त्यांच्यात मतभेद सुरू आहेत. दोघांनी एकत्र पोज दिली नाही. नीतू कपूर आपल्या मुलाला कंट्रोल करत असल्याचे म्हटले जात आहे.

'अॅनिमल'च्या सक्सेस पार्टीत जेनेलिया डिसूजा, रितेश देशमुख, रवीना टंडनची मुलगी राशा, तृप्ती डिमरी, माहिरा शर्मा, तमन्ना भाटिया, मानुषी छिल्लर, हिमेश रेशमिया आणि फराह खानसह अनेक स्टार्सनी हजेरी लावली होती.

अ‍ॅनिमल' चित्रपटाबद्दल सांगायचे तर, हा अॅक्शन-ड्रामा चित्रपट संदीप रेड्डी वंगा यांनी दिग्दर्शित केला होता. रणबीर, अनिल, बॉबी, रश्मिका आणि तृप्ती डिमरी कलाकारांमध्ये दिसले. हा चित्रपट हिंदी व्यतिरिक्त तामिळ, तेलगू, मल्याळम आणि कन्नड भाषांमध्ये प्रदर्शित झाला. त्याचे बजेट 100 कोटी रुपये आहे आणि चित्रपटाने अंदाजे 896.61 कोटी रुपयांची कमाई केल्याने कलाकारांवर कौतुकाचा वर्षाव होताना दिसत आहे.