Animal: रणबीर कपूर, अनिल कपूर आणि रश्मिका मंदान्ना यांचा मोस्ट अवेटेड 'अॅनिमल' चित्रपटातील 'पापा मेरी जान' हे नवीन गाणे रिलीज झाले आहे. यामध्ये वडील अनिल आणि मुलगा रणबीर यांच्या खास बाँडिंगवर चित्रित करण्यात आले आहे.

बाप आणि मुलाचे नाते बालपणापासून ते मोठेपणी कसे बदलते ते दाखवले आहे. तसेच सोनू निगमच्या आवाजातील हे गाणे तुम्हाला भावूक करेल. अ‍ॅनिमलचा नवीन ट्रॅक पापा मेरी जान रणबीर कपूर आणि अनिल कपूर यांच्यातील भावनिक नातेसंबंध चित्रित केला असून सोनू निगमने या गाण्याला आवाज दिला आहे.

हिंदीशिवाय 'पापा मेरी जान' तेलगू, तमिळ, मल्याळम आणि कन्नड भाषांमध्येही रिलीज झाला आहे. याआधी रिलीज झालेल्या 'हुआ मैं' आणि 'सतरंगा' या गाण्यांनाही भरभरून प्रेम मिळाले आहे.

'अ‍ॅनिमल'मध्ये अनिल कपूरचीही महत्त्वाची भूमिका असून बॉबी देओल खलनायकाच्या भूमिकेत आहे. संदीप रेड्डी वंगा यांच्या दिग्दर्शनाखाली बनलेला हा चित्रपट एक क्राईम ड्रामा आहे, जो १ डिसेंबर २०२३ रोजी प्रदर्शित होणार आहे.