Aamir Khan: संदीप रेड्डी वंगा दिग्दर्शित अॅनिमल या चित्रपटाने बॉक्स ऑफीसवर चांगलाच धुमाकूळ घातला होता. चित्रपटाने जितकी कमाई केली तितकीच या चित्रपटाची चर्चाही झाली. या चित्रपटातील प्रमाणापेक्षा हिंसक दृश्यामुळे चित्रपटावर मोठ्या प्रमाणात टीकादेखील झाली. यामध्ये बॉ़लीवू़डमधील कलाकारांचादेखील समावेश आहे. आता आमिर खानने जाहीर माफी मागितली आहे, या माफी मागण्याचा संदर्भ काय आहे हे जाणून घेऊयात.

आमिर खानची एक्स वाईफ किरण राव यांनीदेखील अॅनिमल चित्रपटावर टीका केली होती. त्यावर अॅनिमलचे दिग्दर्शक संदीप वंगा रेड्डी यांनी उत्तरादाखल तिने आधी तिच्या पतीचे आमिर खानचे चित्रपट बघावेत. याबरोबरच दिग्दर्शकाने आमिर 'दिल' या चित्रपटातील काही दृश्यांचादेखील उल्लेख केला होता. या चित्रपटात आणि माधूरीने पती-पत्नीची भूमिका निभावली आहे आणि आमिरने त्यामध्ये मारहाण केल्याची भूमिका केली आहे. संदीप वंगा रेड्डी हे म्हणताना दिसतात की- त्यांनी आधी आपल्या पतीला विचारावे की, खंबे जैसी खड़ी है...या गाण्याविषयी विचारावे. ते काय होते. त्यानंतर त्यांनी माझ्याकडे यावे.

आता आमिर खानने 'आज तक' या वृत्त वाहिनीला दिलेल्या मुलाखतीदरम्यान, अभिनेत्याने माफी मागितली आहे. तो म्हणतो- ' हिंदी चित्रपटांविषयी बोलायचे झाले तर आपण गैरजबाबरदारीचे काम केले आहे. आपण ज्याप्रकारे मुलांना दाखवतो, ज्याप्रकारे मुलींना दाखवतो. वाईट गोष्टीदेखील चांगल्या आहेत अशाप्रकारे दाखवल्या जातात. मग लोकांना वाटते अरे वाईट मार्ग निवडल्याने चांगल्या गोष्टी होऊ शकतात. आपण चित्रपटात महिलांना वस्तू बनवतो, त्यांच्याकडे आपण माणूस म्हणून बघत नाही आणि मी देखील अशा चित्रपटांचा भाग आहे. मी आज जेव्हा या सगळ्या गोष्टींचा विचार करतो तेव्हा मला पश्चाताप होतो. मीदेखील याचा भाग असल्याने वाईट वाटते, लाज वाटते' असे देखील आमिर खानने म्हटले आहे.

दरम्यान, अॅनिमल चित्रपटावर संमिश्र प्रतिक्रिया उमटल्या आहेत. काहींनी याला फक्त मनोरंजनाच्या दृष्टीने पाहावे असे म्हटले आहे तर काहींनी भारतीय समाज चित्रपटाचे अनुकरण करतो त्यामुळे चित्रपट बनवताना समाजाप्रति आपली काही जबाबदारी असते. चित्रपटात दाखवलेल्या हिंसेचे प्रमाण जास्त असल्याचे पाहायला मिळाल्याने अॅनिमल चित्रपटाला टिकेचा सामना करावा लागला आहे. असे असले तरी बॉक्स ऑफीसवर चित्रपटाने चांगलाच धुमाकूळ घातला होता.