बॉलीवूडमधील प्रसिद्ध अभिनेत्री आलिया भट्ट (Alia Bhatt) आणि अभिनेता रणबीर कपूर (Ranbir Kapoor) यांच्या लग्नाच्या चर्चा सध्या सोशल मीडियावर जोरदार सुरू आहेत. मिळालेल्या माहितीनुसार आलिया आणि रणबीर 17 एप्रिल रोजी लग्नबधणात अडकणार आहेत. लग्नाबाबत आलिया आणि रणबीरनं अजून कोणतेही अधिकृत घोषणा सोशल मिडियावर (Social Media) केलेली नाही. पण आता लग्नाच्या या चर्चांना आलियाने पूर्णविराम दिला आहे. (Alia-Ranbir Wedding latest News)

निकुंज लोटिया हा एक प्रसिद्ध यूट्यूबर आहे. त्याने अलीकडेच एक व्हिडीओ शेअर केला आहे. या व्हिडिओमध्ये त्याने कबीर सिंग या चित्रपटामधील एक सीन रिक्रिएट केला आहे. या व्हिडिओच्या कॅप्शनमध्ये त्याने लिहिले की, 'Me on 17th April' आणि ब्रोकन हार्ट इमोजी दिले आहे. या व्हिडीओवर (Video) आलिया भट्टने 'डेड' अशी रिअॅक्शन दिली आहे. त्यामुळे आता आलियाने लग्नाच्या चर्चांना पुर्णविराम दिला आहे, असं नेटकरी म्हणत आहेत.

* नीतू कपूर यांनी याआधी दिली होती प्रतिक्रिया
नीतू कपूर यांना एका मुलाखतीमध्ये रणबीर आणि आलियाच्या लग्नाची तारिख विचारली होती, तेव्हा त्यांनी 'देवालाच माहिती'अशी प्रतिक्रिया दिली होती. पुढे त्या म्हणाल्या ते कधी लग्न करतील ते माहित नाही पण माझी इच्छा आहे की त्यांनी लवकरच लग्नगाठ बांधावी. आलिया खूप चांगली मुलगी आहे. त्या दोघांची छान जोडी होऊ शकते.' रणबीर आणि आलिया भट्ट पहिल्यांदाच 'ब्रह्मास्त्र' चित्रपटामध्ये (Movie) एकत्र काम करणार आहेत. या चित्रपटाबाबत सध्या जोरदार चर्चा सुरू आहे. आता या दोघांचे लग्न कधी होणार याकडे सर्व चाहत्यांचे लक्ष लागले आहे.