सध्या बॉलिवूडमध्ये आलिया भट्ट (Alia Bhatt) आणि अभिनेता रणबीर कपूर (Ranbir Kapoor) यांची सेसळ मिडीयावर चर्चा सुरु आहे. आलिया आणि रणबीर लवकरच आई-बाबा होणार आहेत. नुकतेच आलियाने एक फोटोशूट पोस्ट केला आहे. ज्यात तिने आपला बेबी बंप फ्लाँट केला आहे. सध्या आलियाच्या डिलिव्हरी डेटची चर्चा सुरु झाली आहे. आलियाने बेबी बंप दाखवल्यापासून तिचे चाहते आता तिच्या बाळाचे आगमन वीट पाहत असुन वेगवेगळे तर्क लावत आहेत. आलिया प्रेग्नेंसीशिवाय तिच्या ‘डार्लिंग्स’ (Darlings) आणि ‘ब्रह्मास्त्र’ (Brahmastra) या चित्रपटामुळेही चर्चेत आहे.

या दरम्यान आलियाच्या प्रेग्नेंसीबाबत नवीन बातम्या समोर येत आहेत. मीडिया रिपोर्ट्सनुसार, आलिया भट्ट चार महिन्यांची गरोदर आहे आणि डिसेंबरच्या अखेरीस ती आपल्या बाळाला जन्म देणार आहे. आलिया आणि रणबीर यांनी त्यांच्या लग्नाच्या तीन महिन्यांतच चाहत्यांना गुडन्यूज मिळली आहे. आलिया आणि रणबीरची आनंदाची बातमी ऐकून त्यांचे चाहते देखील खुश झाले आहेत.

सध्या रणबीर आणि संपूर्ण कपूर कुटुंबीय आलियाची काळजी घेतांना दिसत आहेत. स्वतः आलिया देखील तिच्या तब्येतीची खूप काळजी घेत आहे. वेळोवेळी तिची कोरोना टेस्ट देखील करून घेत असते. अलिकडेच त्यांनी ‘ब्रह्मास्त्र’ या चित्रपटाचे प्रमोशन सुरू केले आहे. यानिमित्ताने आलियाने पहिल्यांदाच तिचा बेबी बंप फ्लाँट केला. यादरम्यान ती रणवीरसोबत ब्राऊन शॉर्ट ड्रेसमध्ये पोज देताना दिसली. दोघांचे फोटो आणि व्हिडीओ सोशल मिडीयावर व्हायरल झाले आहेत.

रणबीर-आलिया प्रथमच एकत्र दिसणार

आलिया भट्टच्या प्रेग्नेंसीची बातमी ऐकून चाहतेही खूप उत्सुक आहेत. वर्कफ्रंटबद्दल बोलायचे झाले तर, नुकताच आलिया भट्टचा चित्रपट ‘डार्लिंग्स’ ओटीटी प्लॅटफॉर्म नेटफ्लिक्सवर प्रदर्शित झाला आहे. आता रणबीर आणि आलियाचा आगामी चित्रपट ‘ब्रह्मास्त्र’ पुढच्या महिन्यात सिनेमागृहात रिलीज होणार आहे. या दोघांचा एकत्र असा पहिलाच चित्रपट असणार आहे. या चित्रपटाच्या सेटवरूनच दोघांची प्रेमकहाणी सुरु झाली होती.

नुकताच रणबीर कपूरचा 'शमशेरा' हा चित्रपट बॉक्स ऑफिसवर रिलीज झाला होता. पण हा चित्रपट काही खास कमाई करू शकला नाही. आता अयान मुखर्जीचा ‘ब्रह्मास्त्र’ हा चित्रपट रणबीरसाठी लकी ठरेल अशी अपेक्षा आहे. या चित्रपटात रणबीर कपूर, आलिया भट्ट व्यतिरिक्त अमिताभ बच्चन, चैतन्य अक्किनेनी देखील मुख्य भूमिकेत दिसणार आहेत.