Akshay Kumar's Video: अभिनेता अक्षयकुमार आता मराठी चित्रपटांमध्ये पदापर्ण करणार आहे. विशेष म्हणजे त्याचे हे पदार्पण ग्रँड ठरणार आहे. याचे कारण आहे, तो करत असलेली भुमिका. अक्षयने मंगळवारी त्याच्या आगामी चित्रपटाचा फर्स्ट लूक शेअर केला. या व्हिडिओमध्ये अक्षय कुमार छत्रपती शिवाजी महाराज यांच्या भुमिकेत दिसून येतो. (Akshay Kumar's Upcoming films teaser)

अक्षयच्या या आगामी मराठी चित्रपटाचे नाव आहे 'वेडात मराठे वीर दौडले सात.' अक्षयने सोशल मीडियावर शेअर केलेल्या या फर्स्टलूकमध्ये अक्षयकुमार छत्रपती शिवाजी महाराजांच्या भुमिकेत दिसून येतो. त्याने या व्हिडिओसोबत 'जय भवानी, जय शिवाजी' अशी कॅप्शन दिली आहे. अक्षयच्या या नव्या लुक आणि भुमिकेची त्याच्या चाहत्यांना उत्सुकता लागून राहिली आहे. या भुमिकेमुळे अक्षय चर्चेत आला आहे.

यापुर्वी अक्षयने या चित्रपटाच्या शुटिंगची माहिती देत शिवाजी महाराजांचा फोटो शेअर केला होता. या फोटोतील काचेत अक्षयची झलक पाहायला मिळत होती. अक्षयने म्हटले होते की, मराठी चित्रपट 'वेडात मराठे वीर दौडले सात' चे शुटिंग सुरू झाले आहे. छत्रपती शिवाजी महाराज यांची भुमिका साकारणे माझ्यासाठी अत्यंत सौभाग्याचे आहे.

या चित्रपटाचे दिग्दर्शन महेश मांजरेकर यांनी केले आहे. हा चित्रपट पुढील वर्षी म्हणजेच 2023 च्या दिवाळीत येणार आहे. हा चित्रपट पॅन इंडिया असणार आहे, तो हिंदीसह तमिळ, तेलगु या भाषांमध्येही पाहायला मिळणार आहे. या चित्रपटात जय दुधाने, उत्कर्ष शिंदे, विशाल निकम, हार्दिक जोशी, सत्या मांजरेकर, नवाब खान आणि प्रवीण तरडे हे कलाकार प्रमुख भुमिकांमध्ये आहेत.