बॉलिवूडमधील प्रसिद्ध अभिनेता 'अजय देवगण' सध्या त्याच्या रन-वे-34 (Runway 34) या चित्रपटामुळे सोशल मिडियावर चर्चेत आहे. या चित्रपटाचा ट्रेलर अलीकडेच प्रदर्शित झाला आहे. यामध्ये अमिताभ बच्चन, बोमन इराणी, रकुल प्रीत सिंग, अंगिरा धर आणि आकांक्षा सिंग हे कलाकार मुख्य भूमिकेत दिसणार आहेत. बॉलिवूडमध्ये (Bollywood) अनेक स्टार किड्स अॅक्टिंग क्षेत्रात करिअर करतां दिसत आहेत. अजय देवगणची मुलगी न्यासा ही देखील अभिनय क्षेत्रात पदार्पण करणार अशी चर्चा सोशल मीडियावर सुरू झाली आहे. अजयने न्यासाच्या बॉलिवूडमध्ये पदार्पणाबाबत सुरू असलेल्या चर्चेवर प्रतिक्रिया दिली आहे.

अजयला एका मुलाखतीमध्ये विचारण्यात आले होते, 'न्यासा बॉलिवूडमध्ये पदार्पण करणार आहे का?' यावर अजय म्हणाला, 'अभिनय क्षेत्रात काम करायची सध्या न्यासाला इच्छा नाही. न्यासा या क्षेत्रात करिअर करेल की नाही, हे मला माहित नाही.' न्यासा ही सध्या 18 वर्षाची आहे. ती शिक्षणासाठी सिंगापूर येथे गेली होती. सध्या ती स्वित्झर्लंडमध्ये आंतरराष्ट्रीय हॉस्पिटॅलिटीचे शिक्षण घेत आहे. काही दिवसांपूर्वी प्रसिद्ध फॅशन डिझायनर मनीष मल्होत्रानं न्यासाचे काही फोटो (Photo) सोशल मीडियावर शेअर केले होते. या फोटोवर अनेकांनी लाईक्स आणि कॅमेटचा वर्षाव केला आहे.

बॉलीवुडमधील प्रसिद्ध अभिनेत्री काजोल आणि अभिनेता अजय देवगण 1999 मध्ये लग्न बंधनात अडकले. त्यांची लव्ह स्टोरी देखील फिल्मी स्टाइलपेक्षा कमी नाही. 'हलचल' चित्रपटाच्या (Movie) शुटींगवेळी या दोघांची मैत्री झाली आणि त्यानंतर चार वर्षांच्या डेटिंगनंतर दोघांचेही लग्न झाले.