साऊथ सुपरस्टार रजनीकांत यांची मुलगी ऐश्वर्या रजनीकांत तिच्या वैयक्तिक आयुष्यामुळे बऱ्याच दिवसांपासून चर्चेत होती. काही काळापूर्वी ती अभिनेता धनुषपासून वेगळी झाली. त्याचबरोबर आता ती तिच्या प्रोफेशनल लाईफमुळे प्रकाशझोतात आली आहे. ऐश्वर्या रजनीकांत हे साऊथ फिल्म इंडस्ट्रीतील एक प्रसिद्ध नाव असून आता ती बॉलिवूडमध्ये (Bollywood) पदार्पण करण्यासाठी सज्ज झाली आहे. ऐश्वर्या बॉलिवूडमध्ये डेब्यू करत आहे. ऐश्वर्यानेच ही माहिती सोशल मीडियाच्या माध्यमातून दिली आहे.

ऐश्वर्या रजनीकांत ही साऊथ फिल्म इंडस्ट्रीतील प्रसिद्ध दिग्दर्शक आहे. तिने अनेक चित्रपटांचे (Movies) दिग्दर्शन केले असून आता ती 'ओ साथी चल' या बॉलिवूड चित्रपटाचे दिग्दर्शन करणार आहे. याबाबत माहिती देताना तीने आपल्या अधिकृत इंस्टाग्राम (Instagram) अकाउंटवर चित्रपटाचे पोस्टर शेअर केले आहे.

या पोस्टरसोबत ऐश्वर्या रजनीकांतने कॅप्शनमध्ये लिहिले की, 'माझ्या आठवड्याची यापेक्षा चांगली सुरुवात होऊ शकली नसती. हिंदीतील माझा पहिला दिग्दर्शित वैशिष्ट्यपूर्ण चित्रपट 'ओ साथी चल' जाहीर करताना आनंद होत आहे. @meenuaroraa9 @c9Pictures @archsda द्वारे निर्मित ही एक विलक्षण खरी प्रेमकथा आहे. मात्र, या चित्रपटाशी संबंधित जास्त माहिती अद्याप समोर आलेली नाही. ऐश्वर्या रजनीकांत आणि धनुष (Dhanush) या वर्षी जानेवारीत वेगळे झाले. दोघांनी सोशल मीडियावर एक पोस्ट शेअर करून आपल्या विभक्त झाल्याची माहिती दिली होती.