Prakash Kaur: गेल्या काही दिवसांपासून करण देओल मोठ्या चर्चेत आहे. नुकतीच त्याने द्रिशा आचार्यबरोबर लग्नगाठ बांधली असून आता त्याने सोशल मिडियावर पोस्ट शेअर केली आहे.

आता पून्हा करण देओल लग्न चर्चेत येण्याचे कारण म्हणजे या लग्नाच्या निमित्ताने धर्मेंद्रची पहिली पत्नी प्रकाश कौर कित्येक वर्षानंतर दिसून आल्या आहेत. चमकदार सूट आणि स्टायलिश गॉगल घातलेल्या प्रकाश कौर धर्मेंद्रसोबत आपला नातू आणि त्याची पत्नी द्रिशाला आशिर्वाद देताना दिसत आहेत. करणने सोशल मिडियावर प्रकाश कौर आणि द्रिशा आचार्य यांच्यासोबतचा फोटो शेअर केल्यानंतर चांगलाच व्हायरल होत आहे.

धर्मेंद्रची पहिली पत्नी प्रकाश कौर नेहमीच लाइमलाइटपासून दूर राहिल्या आहेत. मात्र करणच्या लग्नात त्यांनी सर्वांचे लक्ष वेधून घेतले होते. व्हायरल होत असलेल्या या फोटोत त्या धर्मेंद्रसोबत नवीन जोडप्याला आशिर्वाद देताना दिसत आहेत.

याबरोबरच सनी देओल आणि पूजा देओल यांचा फोटोदेखील व्हायरल होताना दिसत आहे. रिसेप्शनमधील संपूर्ण कुटुंबाचा फोटो शेअर करत करण देओलने खास शब्दात कॅप्शन दिले आहे. तो म्हणतो- 'संपूर्ण परिवाराच्या प्रेम आणि सपोर्टसाठी माझ्या मनात कृतज्ञता आहे. माझे मन भरले आहे.' यावर बॉबी देओलने हार्टची इमोजी शेअर केल्याचे दिसून आले आहे.