बॉलिवूड मधील प्रसिद्ध अभिनेत्री मलायका अरोरा नेहमीच तिच्या वैयक्तिक आयुष्यामुळे चर्चेत असते. तिने आपल्या वैयक्तिक आयुष्याबद्दल कधीही काहीही लपवले नाही. अरबाज खानपासून घटस्फोट हे देखील तिच्या आयुष्यातील एक सत्य आहे, ज्याबद्दल ती अनेक प्रसंगी उघडपणे बोलली आहे. अरबाजपासून (Arbaaz Khan) तिचा घटस्फोट (Divorce) 2017 मध्ये फायनल झाला होता.

2016 मध्ये दोघांनी सोशल मीडियाच्या (Social Media) माध्यमातून चाहत्यांना त्यांच्या विभक्त झाल्याची बातमी दिली होती. घटस्फोटानंतर एका मुलाखतीत मलायका म्हणाली होती, घटस्फोट हे एक मोठे पाऊल आहे. यामुळे मला माझी भूमिका मांडता येईल असे स्वातंत्र्य मिळाले. घटस्फोट हा एक पर्याय आहे ज्याचे कोणीही कौतुक करत नाही परंतु ते तुम्हाला पुढे जाण्याचे स्वातंत्र्य देते, नवीन निर्णय घेण्याचे स्वातंत्र्य देते.

मलायका (Malaika Arora) पुढे म्हणाली, प्रत्येकाला पुन्हा प्रेमात पडायचे आहे, रिलेशनशिपमध्ये रहायचे आहे. कोणालाही एकटे राहायचे नाही. माझ्या आजूबाजूचे लोक काय म्हणाले याऐवजी मी स्वतःसाठी हा निर्णय घेतला याचा मला आनंद आहे.

अरबाजसोबतचे 18 वर्षांचे लग्न तुटल्यानंतर मलायकाने अर्जुन कपूरच्या (arjun kapoor) प्रेमात असल्याची घोषणा केली होती. दोघे 2017 पासून रिलेशनशिपमध्ये आहेत आणि ते अनेकदा त्यांच्या बाँडिंगमुळे चर्चेत असतात. कधी पार्टी तर कधी व्हेकेशन करताना त्यांचे फोटो सोशल मीडियावर व्हायरल होत असतात. मात्र, सध्या त्यांचा लग्नाचा कोणताही विचार नाही. दोघांचे म्हणणे आहे की ते त्यांच्या नात्यावर खूश आहेत आणि जेव्हा त्यांना लग्न करावे लागेल तेव्हा ते सर्वांना याबद्दल नक्कीच सांगतील. दुसरीकडे अरबाज हा मॉडेल जॉर्जिया एंड्रियानीसोबत लिव्ह-इनमध्ये राहतो.