बंगाली चित्रपटसृष्टीतील प्रसिद्ध अभिनेत्री रूपा दत्ता हिच्याबाबत एक मोठी बातमी समोर आली आहे. वृत्तानुसार, रुपा दत्ताला खिशे मारल्याच्या आरोपाखाली अटक करण्यात आली आहे. ही घटना कोलकाता आंतरराष्ट्रीय पुस्तक मेळ्यादरम्यान घडली.

विधाननगर उत्तर पोलिस स्टेशनच्या सूत्रांनी दिलेल्या माहितीनुसार, शनिवारी एका महिलेला डस्टबिनमध्ये बॅग फेकताना पाहून पोलिसांना तिच्यावर संशय आला, त्यानंतर चौकशीत धक्कादायक माहिती समोर आली. त्यांनी महिलेची चौकशी सुरू केली. यासोबतच बॅगचीही झडती घेण्यात आली, त्यात पोलिसांना अनेक पैशांची वेगवेगळी पाकिटे सापडली आहेत. सूत्रांनी दिलेल्या माहितीनुसार, पोलिसांनी अभिनेत्रीकडून 75 हजार रुपयेही जप्त केले आहेत. पोलिसांनी दिलेल्या माहितीनुसार, रूपा दत्ता तीच अभिनेत्री आहे जिने काही वर्षांपूर्वी अनुराग कश्यपवर लैंगिक छळाचा आरोप केला होता.

पोलिसांच्या चौकशीत अभिनेत्रीकडे एवढे पैसे कोठून आले हे कळू शकलेले नाही. यादरम्यान महिलेने खिसा मारल्याची कबुली दिली आहे. या महिलेचे म्हणणे आहे की, ती वेगवेगळ्या जत्रेत, कार्यक्रम आणि गर्दीच्या ठिकाणी जाऊन लोकांच्या पर्स चोरायची. आंतरराष्ट्रीय पुस्तक मेळाव्यादरम्यान महिलेची ही युक्ती चालली नाही आणि पोलिसांनी तिला पकडले.

एक अभिनेत्री लोकांच्या पर्स कशा चोरू शकते याचे सर्वांनाच आश्चर्य वाटते. रूपा दत्ता ही एक लोकप्रिय अभिनेत्री (actress) आहे जी अनेक मालिका आणि चित्रपटांमध्ये दिसली आहे. ती अनेकदा मोठ्या कार्यक्रमांचा भाग असायची. अभिनेत्रीकडून एक डायरीही सापडली असून, त्यात आतापर्यंतच्या सर्व रकमेचा हिशेब नोंदवला आहे. सध्या पोलिसांनी (police) या प्रकरणाचा तपास सुरू केला आहे. ती हे सर्व का करत होती हे लवकरच कळेल.