Salman Khan Casting Director: अभिनेता सलमान सोशल मिडीयावर पुन्हा एकदा चर्चेत आला आहे. यावेळी सलमान खानशी संबंधित एक बातमी चाहत्यांना आश्चर्यचकित करत आहे. सलमान खानच्या एका चित्रपटाचे सहाय्यक दिग्दर्शक आणि कास्टिंग डायरेक्टर असलेल्या मयंक दीक्षितला मारहाण करण्यात आली.

ही घटना दिल्लीतील असून या मारामारीत तो जबर जखमी झाला. ही घटना रविवारची असून याप्रकरणी काही अज्ञातांविरोधात गुन्हाही दाखल करण्यात आला आहे.

टोळक्याने केली मारहाण

मयंक दीक्षित यांना रविवारी रात्री (2 जुलैच्या रात्री) लक्ष्मी नगर परिसरात काही लोकांच्या टोळक्याने मारहाण केल्याने त्यांच्या मानेला आणि डोक्याला गंभीर दुखापत झाली.

आरोपींची ओळख अद्याप पटलेली नसून त्यांचा शोध सुरू आहे. परिसरातील सीसीटीव्ही तपासले जात आहेत. दरम्यान या अनोळखी व्यक्तींविरोधात FIR दाखल करण्यात आलाय

आरोपींसोबत झाला वाद

रविवारी दिल्लीतील लक्ष्मीनगर परिसरात 6 जणांच्या टोळक्याने सलमान खानच्या चित्रपटाच्या दिग्दर्शकाला बेदम मारहाण केली. यात कोणताही वैयक्तिक वाद नसुन रस्त्यावरील रागाचे आहे.

घटना अशी आहे की, कार रिव्हर्स करताना कास्टिंग डायरेक्टरचा मयंकचा आरोपींसोबत वाद झाला आणि ते पाहताच त्यांच्यात हाणामारी झाली. या प्रकरणी FIR दाखल करण्यात आला आहे, मात्र अद्याप या लोकांची ओळख पटलेली नाही.