अभिनेता अरमान कोहली (Armaan Kohali) याला रविवारी, 2 ऑगस्ट(२ August) रोजी नारकोटिक्स कंट्रोल ब्युरोने (NCB) अमली पदार्थ बाळगल्याप्रकरणी अटक केली. आदल्या दिवशी शनिवारी, अभिनेत्याच्या निवासस्थानावर छापा टाकण्यात आला होता. आणि त्यानंतर त्याच संध्याकाळी त्याला एनसीबी (NCB) कार्यालयात चौकशीसाठी नेण्यात आले. त्याच्यावर चौकशी दरम्यान त्याच्यावर काही गंभीर आरोप लावण्यात आले आहेत.

नुकत्याच मिळालेल्या अहवालांनुसार, एनसीबीचे झोनल डायरेक्टर समीर वानखेडे यांनी सांगितले की, कोहलीवर औषधांच्या सेवनाशिवाय अनेक आरोप लावण्यात आले आहेत. ते म्हणाले की, कोहलीला सोमवारी, 30 ऑगस्ट रोजी न्यायालयात हजर केले जाईल.अरमान कोहली याला 2018 मध्ये सुद्धा उत्पादन शुल्क विभागाने अटक केली होती.

बेकायदेशीरपणे स्कॉच आणि व्हिस्कीच्या 41 बाटल्या बाळगल्या प्रकरणी त्याला त्याच्या निवासस्थानी पकडण्यात आले होते. NCB ने २०२० च्या उत्तरार्धात चित्रपट उद्योगातील सदस्यांवर छापे टाकणे आणि त्यांची चौकशी करणे सुरू केले. श्रद्धा कपूर, सारा अली खान, दीपिका पदुकोण, अर्जुन रामपाल यांसारख्या सुप्रसिद्ध अभिनेत्यांची NCB ने मागील वर्षात चौकशी करण्यात आली होती.