Abdu Rozik: बिग बॉस 16 मुळे प्रसिद्धीझोतात आलेला अब्दू रोझिक नेहमीच चर्चेत असतो. छोटा भाईजान म्हणून ओळख मिळवलेल्या अब्दूने प्रेक्षकांच्या मनात वेगळे स्थान निर्माण केले आहे.

18 वर्षाच्या अब्दू रोझिकची उंची कमी असली तरीही जगातल्या प्रसिद्ध व्यक्तीमत्तांपैकी एक आहे. आता अब्दूने त्याच्या चाहत्यांबरोबर एक आनंदाची बातमी शेअर केली आहे.

सोशल मिडियावर गाडी चालवत असल्याचा एक फोटो शेअर करत माझी उंची आता वाढत आहे असे अब्दूने म्हटले आहे. अब्दू ग्रोथ हार्मोन डिफेंसिएन्सी या आजाराचा सामना करत असल्याने त्याची उंची 3 फूट 1 इंच इतकी राहिली होती. त्याच्या शरीराच रिकेट्स निर्माण झाले होते. मात्र याचा इलाज करण्यासाठी त्याच्याकडे , त्याच्या परिवाराकडे पैसे नव्हते.

डॉक्टरांनी शून्य टक्के हार्मोन ग्रोथ असल्याचे सांगितले होते. मात्र मी आता अलहमदुलिल्लाहच्या चमत्कारामुळे आणि तुमच्या प्रेमामुळे माझी उंची वाढत आहे असे अब्दूने आपल्या फोटोला शेअर करताना म्हटले आहे.

दरम्यान, ताजिकिस्तानचा सिंगर म्हणून नावलौकिक मिळवलेल्या अब्दूने बिग बॉस १६मध्ये आपल्या क्युटनेसने सगळ्यांचे मन जिंकले होते. भारतात त्याने आपल्या गोड स्वभावामुळे स्वताचा स्वतंत्र चाहता वर्ग निर्माण केला आहे.

बिग बॉसच्या १६ व्या सीझनमध्ये मंडलीचा एक भाग म्हणूनदेखील अब्दू चर्चेत होता. शिव ठाकरे , एमसी स्टॅन , निम्रित , सुंबुल , साजिद खान आणि अब्दूची ही मंडली मैत्रीसाठी विशेष ओळखली जाते. गेल्या काही दिवसांपूर्वी अब्दू आणि एमसी स्टॅन यांच्यामध्ये वाद निर्माण झाल्याचे म्हटले जात होते. मात्र शिव ठाकरेने याला विरोध करताना मी आहे तोपर्यत मंडली तुटणार नाही असे म्हटले होते.

अब्दू रोझिकने आता इंस्टाग्रामवर शेअर केलेल्या फोटोमुळे आणि दिलेल्या आनंदाच्या बातमीमुळे चाहतेदेखील आनंदी असल्याचे दिसून येत आहेत.