बॉलिवुडमधील् प्रसिद्ध अभिनेता आमिर खानची (Aamir Khan) मुलगी इरा खान (Ira Khan) सोशल मीडियावर नेहमीच अॅक्टिव्ह असते. आयुष्यात घडणाऱ्या अनेक छोट्या-मोठ्या गोष्टी ती सोशल मीडियाच्या माध्यमातून चाहत्यांसोबत शेअर करत असते. गेल्या अनेक दिवसांपासून इरा नैराश्याला सामोरे जात आहे. अशातच इरा एंग्झायटी अटॅक्स (Anxiety Attacks) या आजाराशी झुंज देत आहे. (Amir khan latest news)

इरा खानने (Ira Khan) आपल्या अधिकृत इन्स्टाग्राम अकाऊंटवर एक पोस्ट शेअर केली आहे. तिने फोटो पोस्ट करत एंग्झायटी अटॅक्स संदर्भात चाहत्यांना माहिती दिली आहे. फोटो खाली तिने लिहिले, "आता मला एंग्झायटी अटॅक्स येऊ लागले आहेत. मी केव्हाही घाबरते आणि कधीही रडते. हे फार भयंकर आहे".

अभिनेता आमिर खानची (Amir Khan) मुलगी इरा खानने आपल्यावर लैंगिक अत्याचार झाल्याचा खुलासा मागे केला होता. तिने याबाबतचा एक व्हिडीओ (Video) सोशल मीडियावर शेअर केला होता. त्यात इराने आपल्यावर 14 वर्षाची असताना अत्याचार झाल्याचे सांगितले होते. आमिर खानची मुलगी इरा खानने जागतिक मानसिक स्वास्थ्य दिना निमित्त व्हिडीओ पोस्ट करत धक्कायदायक माहिती शेअर केली होती.