बॉलिवूडचा मिस्टर परफेक्शनिस्ट आमिर खानच्या (Amir Khan) मुलीचा आयरा खान आणि तिचा बॉयफ्रेण्ड नुपूर शिखरे यांचा नुकताच साखरपुडा मोठ्या आनंदात पार पडला. 18 नोव्हेंबर 2022 रोजी शुक्रवारी संध्याकाळी आयराचा साखरपुडा नातेवाइक आणि मित्रपरिवामध्ये साजरा करम्यात आला. सोशल मिडियावर (Social Media) साखरपुड्याचे फोटो समोर येताच अनेकांना आर्श्चयाचा धक्का बसला आहे. आता या कार्यक्रमामधील आणखी एक व्हिडीओ सोशल मीडियावर प्रचंड व्हायरल होत आहे. हा व्हिडीओ (Video) खुद्द आमिरचाच आहे. आपल्या मुलीच्या साखरपुड्यात तो आनंदाने नाचताना दिसतो आहे.

आयरा (Ira Khan) आणि नुपूर गेली कित्येक वर्ष एकमेकांना डेट करत आहेत. त्यांचे फोटोही अनेकदा चाहत्यांमध्ये चर्चेत होते. पण काही महिन्यांपूर्वीच नुपूरने आयराला प्रपोज केले होते. आता अखेर त्यांचा साखरपुडा झाला आहे. साखरपुड्याला आयराने लाल रंगाचा गाऊन परिधान केला होता.

तर नुपूरने काळा टक्सीडो सूट घातला होता. या समारंभातील एक व्हिडीओमध्ये (Video) चाहत्यांमध्ये व्हायरल होत आहे. यामध्ये आमिर आनंदाने डान्स करताना दिसत आहे. व्हिडिओमध्ये तो 'पापा कहते हैं बडा नाम करेगा' या गाण्यावर नाचताना दिसत आहे. समारंभासाठी आलेले पाहुणे खाली उभे राहून त्याच्याकडे पाहत आहेत तर तो वर उभा राहून नाचताना दिसतोय.

आमिरसह (Amir Khan) आणखी एक व्यक्ती आहे जे गाण्यावर थिरकताना दिसत आहे. खाली उभी असलेली आयरादेखील आपल्या वडिलांना नाचण्यासाठी चिअर्स करताना दिसते आहे. या व्हिडिओसोबतच आमिरच्या आउटफिटची देखील चाहत्यांमध्ये प्रचंड चर्चा होत होती. त्याने शिमरी पठाणी कुर्ता आणि पायजमा परिधान केला होता. सोबत पांढऱ्या दाढीची स्टाइल केली होती. या लूकमध्ये तो अधिक स्मार्ट दिसत होता.