रायगड (Raigad) जिल्हयामधील मुरुड (Murud) तालुक्यात नांदगाव समुद्रकिनारी बैलगाडीची शर्यत आयोजित केली होती. या दरम्यान बैलगाडी अचानक लोकांच्या गर्दीत घुसली. या अपघातामध्ये अनेक लोक बैलगाडीखाली आले असून तीन जखमी झाले आहेत. या अपघात एका व्यक्तीच्या कॅमेरामध्ये कैद झाला आहे.

मिळालेल्या माहितीनुसार, मुरुड समुद्रकिनारी (Murud Beach) बैलगाडी शर्यत आयोजित केली होती. या शर्यतीमध्ये बैलगाडी अचानक लोकांमध्ये घुसताना या व्हिडिओमध्ये (Video) दिसत आहे. या घटनेमध्ये बैलगाडी (Bullock cart) अनेक लोकांच्या अगांवरून गेली. यादरम्यान तीन लोक जखमी झाले आहेत. ही बैलगाडीची शर्यत भाजपचे पदाधिकारी शैलेश काते यांच्या वाढदिवसानिमित्त आयोजित करण्यात आली होती. ही शर्यत पाहण्याकरीता मोठ्या संखेने लोक उपस्थित होते.

शर्यत (Race) सुरू होताच काही वेळातच बैलगाडी थेट लोकांच्या गर्दीमध्ये घुसली. काही लोकं या बैलगाडीच्याखाली आलेत. या घटनेमध्ये तीन जण जखमी झाले आहेत अशी माहिती मिळाली आहे. या घटनेचा व्हिडिओ (Video) सोशल मिडियावर (Social Media) मोठ्या प्रमाणात व्हायरल होत आहे.