डॉ. अनिल कुमार राजवंशी यांचा विज्ञान आणि अभियांत्रिकी क्षेत्रातील कामगिरीसाठी पद्मश्री पुरस्कार प्रदहण करण्यात आला आहे. गेल्या तीन दशकांपासून निंबकर कृषी संशोधन संस्थेच्या (NARI) माध्यमातून ग्रामीण विकासासाठी कार्य करत आहेत.

डॉ. भीमसेन सिंघल यांचा वैद्यकीय क्षेत्रातील कामगिरीसाठी पद्मश्री पुरस्काराने गौरव करण्यात आला आहे. डॉ. सिंघल यांनी मल्टीपल सेलेरोसिस आणि पार्किसन्स आजारावरील उपचारासंदर्भात केलेल्या कार्याबद्दल जागतिक मान्यता मिळाली आहे.

डॉ. विजयकुमार विनायक डोंगरे यांचा वैद्यकीय क्षेत्रातील कामगिरीसाठी पद्मश्री पुरस्कार प्रदान करण्यात आला. सामाजिक सेवेच्या माध्यमातून कुष्ठरोगींवरील उपचारासाठी त्यांनी आपले आयुष्य समर्पित केले आहे.

डॉ. हिम्मतराव बावस्कर यांचा वैद्यकीय क्षेत्रातील कामगिरीसाठी पद्मश्री पुरस्कार 2022 गौरव करण्यात आला आहे. सर्पदंश आणि विंचूदंशावरील उपचार आणि संशोधनासंदर्भात जागतिक मान्यता मिळाली आहे. tतसेच ते रायगडमधील गरजू लोकांना मदत करत आहे.

डॉ. सायरस पूनावाला यांना व्यापार आणि उद्योग क्षेत्रातील योगदानासाठी पद्मभूषण 2022 पुरस्काराने गौरव करण्यात आला. डॉ. पूनावाला सिरम इन्स्टिट्यूट ऑफ इंडियाचे संस्थापक असून त्यांनी लस निर्मितीत आघाडीवर असलेल्या सिरमचे भारताच्या कोविड विरोधातील लढाईत मोठे योगदान दिले आहे.

उद्योजक आणि टाटा सन्स कंपनीचे अध्यक्ष एन. चंद्रशेखरन यांना पद्मभूषण पुरस्कार 2022 प्रदान करण्यात आला. व्यापार आणि उद्योग क्षेत्रातील कामगिरीसाठी गौरव करण्यात आला आहे.