Vande Bharat Express Train: मुंबईहून लवकरच दोन वंदे भारत एक्सप्रेस गाड्या सुरु होणार आहेत. यातील एक गाडी शुक्रवारी सकाळपर्यंत येथे पोहोचण्याची शक्यता आहे, तर दुसरी गाडी 6 फेब्रुवारीला आणण्याची शक्यता आहे. रेल्वे अधिकाऱ्यांनी ही माहिती दिली.

पंतप्रधान नरेंद्र मोदी 10 फेब्रुवारी रोजी मुंबई-सोलापूर आणि मुंबई-शिर्डी मार्गावर वंदे भारत एक्सप्रेस ट्रेन सुरु करु शकतात, असे त्यांनी सांगितले. या दोन्ही गाड्या चेन्नईतील इंटिग्रल कोच फॅक्टरीमध्ये तयार करण्यात आल्या आहेत.

एक वंदे भारत ट्रेन आज सकाळी पुणे यार्डात पोहोचली

एका वरिष्ठ रेल्वे अधिकाऱ्याने सांगितले की, "एक वंदे भारत ट्रेन आज सकाळी पुणे (Pune) यार्डात पोहोचली आणि ती आज रात्री किंवा उद्या सकाळपर्यंत मुंबईत पोहोचणे अपेक्षित आहे."

अशीच दुसरी ट्रेन 6 फेब्रुवारी रोजी येथे आणली जाईल. मुंबई (Mumbai) ते सोलापूर दरम्यान वंदे भारत एक्सप्रेस भोर घाटमार्गे धावण्याची शक्यता आहे. (कर्जत आणि खंडाळा दरम्यान पुण्याला जाताना) आणि ट्रेन 6.35 तासांमध्ये दोन स्थानांमधील अंदाजे 455 किमी अंतर कापेल.

सर्वात कठीण रेल्वे घाट विभागांपैकी एक

मुंबई-शिर्डी सेमी-हाय-स्पीड ट्रेन थळ घाटमार्गे (मुंबईच्या बाहेरील कसारा येथे) धावेल आणि 5.25 तासात सुमारे 340 किमी अंतर कापेल. भोर आणि थळ घाट हे रेल्वे घाटातील सर्वात अवघड विभाग आहेत, त्यामुळे सध्या या घाटांमधून जाणाऱ्या सर्व गाड्या मुंबईच्या बाजूने अतिरिक्त लोकोमोटिव्हद्वारे ओढल्या जातात.

जास्त ग्रेडियंट असलेल्या भागात ट्रेनला मागून ढकलण्यासाठी अतिरिक्त लोकोमोटिव्ह वापरतात. या अतिरिक्त लोकोमोटिव्हला बँकर देखील म्हणतात.