केंद्रीय गृहराज्यमंत्री अजयकुमार मिश्रा (Union Minister Ajay Kumar Mishra) तीन दिवस रत्नागिरी- सिंधुदुर्ग दौऱ्यावर आहेत. आज (गुरूवारी) मिश्रा यांचे महाराष्ट्र गोवा सीमेवर बांदा येथे भाजपच्या वतीने पुष्पगुच्छ देऊन स्वागत करण्यात आले. भाजप जिल्हाध्यक्ष राजन तेली यांच्या वतीने मिश्रा यांचे स्वागत करण्यात आले. यावेळी सकाळी बांदा येथे मोटरसायकल रॅली आयोजित करण्यात आली होती.

लोकसभा प्रवास योजनेंतर्गत केंद्रिय गृहराज्यमंत्री अजयकुमार मिश्रा तीन दिवस रत्नागिरी- सिंधुदुर्ग दौऱ्यावर आले आहेत. मिश्रा यांचे बाईक रॅलीने स्वागत झाल्यानंतर त्यांनी प्रसिद्ध स्वयंभू श्री देव बांदेश्वराचे दर्शन घेतले. तसेच, भूमिका मातेचे देखील दर्शन घेतले. मिश्रा यांनी यावेळी भाजप कार्यकर्त्यांना संबोधित केले.

कोकण दौऱ्यावर असलेल्या अजयकुमार यांचे कुडाळ येथे आगमन झाल्यानंतर, सिंधुदुर्ग जिल्हा मध्यवर्ती बँकेचे अध्यक्ष मनीष दळवी यांनी त्यांचे स्वागत केले. यावेळी आमदार नितेश राणे (MLA Nitesh Rane) उपस्थित होते. (Union Minister Ajay Kumar Mishra on a three-day tour to Ratnagiri Sindhudurg)