मुंबई : देशाची राजधानी दिल्लीसह उत्तर भारतातील काही राज्यांमध्ये गेल्या काही दिवसांत झालेल्या पावसामुळे तापमानात घट झाली आहे. त्यामुळे तिथे थंडीचा कडाका अद्याप सुरुच आहे. त्यामुळे तेथे आज कमाल तापमान 26 अंश तर किमान तापमान 13 अंश असेल तर आज ढगाळ वातावरण राहण्याचा अंदाज हवामान विभागाने वर्तवला आहे. एकीकडे दिल्लीसह उत्तर भारतातील काही राज्यांमध्ये थंडीची लाट कायम असताना मात्र महाराष्ट्र तापलेला आहे. (The temperature in Maharashtra is above 35 degrees Celsius)

महाराष्ट्रात (Maharashtra) तापमानात (Temperature) चढ उतार होत असून पारा 35 अंशाच्या पुढे गेला आहे. राज्यात आणखी तापमानात वाढ होण्याची शक्यता हवामान विभागाने (Meteorological Department) वर्तवली आहे. राज्यातील सांगली, सोलापूर, अकोला, परभणी या जिल्ह्यांमध्ये तापमानमात वाढ झाली असून पारा 35 अंशाच्या पुढे गेला आहे. त्यामुळे येथे उन्हाचा तडाखा वाढला आहे.