दहावीचा (SSC) बोर्डाचा निकाल 23 जुलैपर्यंत तर बारावीचा (HSC) निकाल 2 ऑगस्टपर्यंत लागण्याची शक्यता बोर्डाच्या (board) विश्वसनीय सूत्रांकडून देण्यात आली आहे.

दहावी-बारावीच्या साडेसोळा लाख विद्यार्थ्यांचे नुकसान होऊ नये तसेच प्रवेश प्रक्रियेला विलंब होऊ नये यासाठी तंत्रशिक्षण संचालनाने विद्यार्थ्यांना ऑनलाईन अर्जाची सुविधा उपलब्ध करुन दिली आहे. राज्यात डी- फार्मसीला 25 हजार जागा, डिप्लोमा इन इंजिनिअरिंगला पाच लाख जागा आहेत. 1 सप्टेंबरपासून तंत्रशिक्षण विभागाच्या अभ्यास क्रमाला सुरुवात करण्याचे विभागाचे नियोजन आहे.

गुणांची टक्केवारी आणि व्यावसायिक अभ्यासक्रमाची माहिती नसल्याने अनेक विद्यार्थी दहावी-बारावीनंतर पारंपारिक शिक्षणाला प्राधान्य देतात. पण गेल्या काही वर्षात मुलांचा तंत्रशिक्षणाकडे कल वाढताना दिसत आहे. पण आता दहावी-बारावीचे निकल लवकर जाहीर होणे अपेक्षित आहे. कारण यामुळे मुलांना डिप्लोमा, डी-फार्मसी यासाह अनेक तांत्रिक शिक्षणाच्या वाट अजमावणे सोपे तर होईलच पण याचे नियोजन करणे देखील सहज शक्य होईल.