पुणे रेल्वे स्थानकात आज संशयास्पद वस्तू सापडल्याने एकच खळबळ उडाली. या घटणेमुळे प्रवाशांमद्धे भीतीचे वातावरण पसरले आहे. स्टेशनवरील प्लॅटफॉर्म क्रमांक एक आणि दोन रिकामा करण्यात आला आहे. तसेच रेल्वे वाहतूक देखील थांबवण्यात आली आहे, अशी माहिती समोर येत आहे. (Suspicious object found at Pune railway station not gelatin sticks says police)

पोलिस आयुक्त अमिताभ गुप्ता घटनास्थळी दाखल झाले आहेत. पोलिसांनी प्राथमिक तपास सुरू केला आहे. “साडेदहा वाजता स्थानकावर संशयास्पद वस्तू सापडल्याची माहिती मिळाली. ही वस्तु जिलेटिन नाही अशी प्राथमिक माहिती आहे. पण तपासणी सुरु आहे. सध्या जास्त काही सांगू शकत नाही. लोकांनी घाबरण्याचं कारण नाही,” असे पोलिस आयुक्त अमिताभ गुप्ता यांनी सांगितले.

पुणे रेल्वे स्थानकावर संशयास्पद वस्तु सापडल्याची माहिती मिळताच अनेक वरिष्ठ अधिकाऱ्यांनी घटनास्थळी धाव घेतली आहे. सध्या प्रवाशांना स्थानकात प्रवेश नाही.
स्टेशन मास्तर, रेल्वेचे अधिकारी आणि पोलिस अधिकाऱ्यांची पुणे रेल्वे स्थानकामधील कार्यालयामध्ये बैठक सुरु असल्याचीही माहिती समोर येत आहे.