आईच्या प्रेमसंबंधाची (love affair) बातमी वडिलांना दिली म्हणून एका निरागस आठ वर्षीय मुलाची हत्या करण्यात आली. या प्रकरणात 21 वर्षीय आरोपीला अटक करण्यात आली आहे. तसेच त्याने त्याच्या प्रयेसीच्या मुलाची हत्या केली. भिवंडीमधील (Bhiwandi) या कुटुंबाच्या घरी आचारी म्हणून नोकरी करत होता. आचाऱ्याबरोबर असलेल्या पत्नीच्या प्रेमसंबंधबद्दल समजल्यानंतर पतीने आरोपी असणाऱ्या जितेंद्रला नोकरीवरुन काढून टाकले होते. घरातून मुलगा गुरुवारपासून बेपत्ता होता. त्यानंतर पोलिस स्टेशनमध्ये अपहरण झाल्याची तक्रार नोदंवण्यात आली. मात्र दुर्देवाने मुलाचे कुटुंब ज्या इमारतीमध्ये राहत होते, त्याच इमारतीमधील एका बंद प्लॅटमध्ये शुक्रवारी सकाळी मृतदेह सापडला.

या कुटुबांच्या घरी जितेंद्र नोकरी करत होता आणि अलीकडेच त्याला नोकरीवरुन काढून टाकण्यात आल्याचे पोलिसांकडून सांगण्यात आले. जितेंद्रला पोलिसांनी अटक केल्यानंतर कसून चौकशी केली. त्यामध्ये त्याने मुलाने आपले प्रेमसंबंध उघड केले म्हणून रागामधून मुलाची हत्या केली असल्याची कबुली दिली, अशी माहिती प्रदिप गुप्ता यांनी दिली.