महाराष्ट्रातील पुण्यात (Pune) एका 24 वर्षीय महिलेवरती बलात्कार करून तिला गर्भपात करण्यास भाग पाडल्याप्रकरणी शिवसेनेचे (ShivSena) स्थानिक नेते रघुनाथ कुचिक (Raghunath Kuchik) यांच्या विरोधात गुन्हा दाखल करण्यात आला आहे.

शिवाजी नगर पोलिस ठाण्याच्या अधिकाऱ्याने गुरुवारी सांगितले की, महिलेच्या तक्रारीवरून, संघटनेचे सरचिटणीस रघुनाथ कुचिक यांच्याविरुद्ध भारतीय दंड संहितेच्या कलम 376 (बलात्कार) आणि 313 (महिलेच्या संमतीशिवाय गर्भपात) नुसार गुन्हा दाखल करण्यात आला.

कुचिकने सोशल मीडियाच्या (Social Media) माध्यमातून महिलेशी मैत्री केली होती. तक्रारीनुसार, लग्नाचे आश्वासन देऊन त्याने महिलेशी शारीरिक संबंध ठेवले, असे अधिकाऱ्याने सांगितले आहे.

गर्भवती राहिल्यानंतर जबरदस्तीने तक्रारदार महिलेला गर्भपात करण्यास सांगितल्याचे समो्र आले आहे. दरम्यान, कुचिकने आरोप फेटाळून लावले आणि दावा केला की महिलेने त्याला "हनी-ट्रॅप" मध्ये अडकवले होते.