बीड (Beed) येथील सुमारे 2 एकरामध्ये पसरलेल्या सह्याद्री वनराईला (Sahyadri Devrai) आज भीषण आग (Fire) लागली. या आगीत जवळपास पिंपळ आणि लिंबाची 500 झाडे जळून खाक झाली आहेत. या धक्कादायक घटनेवरुन या वनराईला आग कोणी लावली हे अद्याप कळू शकलेले नाही. बीड येथील सह्याद्री देवराई मराठी अभिनेते सयाजी शिंदे यांच्या प्रयत्नातून उभारण्यात आली आहे. याच देवराईवरुन राज्यातील राजकारण मागील काही दिवसांपूर्वी चांगलंच तापलं होतं.

मिळालेल्या माहितीनुसार, एका अज्ञाताने या सदाबहार सह्यादी वनराईला आग लावली असल्याचे समोर आले आहे. आग विझविण्यासाठी चार ते पाच जणांनी मिळून शर्तीचे प्रयत्न केले. परंतु या आगीमुळे वनराईचे मोठ्या प्रमाणात नुकसान झाले आहे. जगातील पहिले वृक्ष संमेलन (Assembly) बीडच्या सह्याद्री देवराईमध्ये पार पडले होते.