शिवप्रतिष्ठाण हिंदुस्थान संघटनेचे अध्यक्ष संभाजी भिडे सायकलवरून पडले आहेत. या अपघातात ते जखमी झाले असून त्यांच्यावर उपचारासाठी जवळच्या रुग्णालयात दाखल केले आहे. शिवप्रतिष्ठान हिंदुस्थानचे संभाजी भिडे हे सायकलवरून जात असताना चक्कर येऊन पडले आहेत. त्यांना कमरेखाली लागल्याचे सांगण्यात येत आहे. भिडे यांना सांगलीच्या भारती रुग्णालयात दाखल करण्यात आले असून त्यांच्यावर उपचार सुरू आहेत. भिडे सांगलीतल्या गणेश मंदिरात नेहमी दर्शनासाठी जातात. आजही ते गणपतीच्या दर्शनासाठी सायकलीवर जात असताना त्यांना चक्कर आली आणि ते कोसळले. यात ते जखमी झाले आहेत.

आपल्या वक्तव्यांमुळे नेहमी चर्चेत असलेले आणि राजकीय घडामोडींवर सडेतोड मतप्रदर्शन करणारे शिवप्रतिष्ठान हिंदुस्तानचे संभाजी भिडे चक्कर आल्यानं सायकलवरुन पडल्याची माहिती मिळतेय. संभाजी भिडे नित्यनियमाने सांगलीतील गणपती मंदिरात दर्शनासाठी जात असतात. आजही ते दर्शनासाठी सायकलवरुन जात होते. त्यावेळी गणपती पेठ परिसरात त्यांना चक्कर आल्यानं ते जमिनीवर कोसळले. यात त्यांना गंभीर दुखापत झाल्याची माहिती मिळतेय.