साकीनाका प्रकरणाबाबत माध्यामांमध्ये अंदाज बांधून घटनेचा अर्थ लावला जात आहे. पीडीत महिला एका विशिष्ट समाजाची आहे. आरोपीला तात्काळ अटक करण्यात आली होती. दरम्यान त्याने संपूर्ण गुन्ह्यांची कबुली दिली आहे. 15 तारखेपर्यंत तो अटकेत आहे. गुन्हा कसा घडला? गुन्हा घडल्यानंतर आरोपी कसा घटनास्थळावलरुन गेला? त्यासंबंधीची माहिती प्राप्त झालेली आहे. हा अत्यंत संवेदनशील गुन्हा असल्यामुळे राज्यातील प्रसिध्द वकिल राजन ठाकरे या तपासादरम्यान मार्गदर्शन करत आहेत.

एका महिन्याच्या आत गुन्ह्याची पडताळणी करण्यात येईल. दरम्यान, दिल्लीवरुन नॅशनल कमीशनच्या अधिकाऱ्यांनी घटनास्थळाला भेट दिली आहे. मागासवर्गीय आयोगाचे उपाध्यक्ष यांनीही घटनास्थळाला भेट दिली आहे. त्याचबरोबर राज्याचे मुख्यमंत्री, उपमुख्यमंत्री आणि पोलिस अधिकारी घटनास्थळाला भेट देणार आहेत. 20 लाखाची मदत पिडीत व्यक्तीच्या सदस्यांना देण्यात येणार आहे. त्याचबरोबर शासकिय इतर मदतही देण्यात येणार आहे.

तसेच, 10 तारखेच्या मध्यरात्री साकीनाका येथील एका कंपनीमधील वॉचमने फोनद्वारे पोलिस कंट्रोल रुमला कळवले. त्यावेळी मुबंई पोलिस काही वेळातच पोहोचले. त्यावेळी पोलिसांनी तात्काळ पिडितेला राजावाडी रुग्णालयामध्ये दाखल केले. या चौकीदाराच्या तक्रारीवरुन या नराधमाच्या विरोधात गुन्हा दाखल केला. त्यानंतर क्राईम ब्रॅंचचे अधिकारी कामाला लागले. आरोपीचे नाव मोहन असून त्याला संशयावरुन ताब्यात घेतले. तपासादरम्यान त्याचे कपडे ताब्यात घेण्यात आले. 21 सप्टेंबरपर्यंत पोलिस कोठडी घेतली आहे. पुढील एक महिन्याच्या आत हा गुन्हा उघडकीस आणून हा तपास पूर्णपणे संपवला जाईल. उपचारादरम्यान महिलेचा मृत्यू झाला आहे. काही संभ्रम यासंबंधी होता, त्यामध्ये चार आरोपी आहेत. मात्र तपासादरम्यान एकच आरोपी निष्पन्न झाला आहे. यामध्ये जी पीडीत आहे तिचा जबाब नोंदवता आला नाही. मात्र तपासादरम्यान अधिक माहिती घेता येईल. तसेच हा तपास लवकरात लवकर पूर्ण होईल.