महाराष्ट्रात (Maharashtra) कोरोनाचा प्रादुर्भाव कमी झालेला नसताना सरकार वेळोवेळी नागरिकांना काळजी घेण्यास सांगत आहे. मात्र काही राजकीय नेत्यांनी कोरोना नियमांना धाब्यावर बसवले होते. याच पाश्वभूमीवर महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांना आणि त्यांच्या मातोश्रींना कोरोनाची लागण झाली आहे. राज ठाकरेंची तब्येत ठीक नसल्याने आज होणारा मनसे कार्यकर्ता मेळावा पुढे ढकलण्यात आला होता. मात्र आता ठाकरेंना कोरोनाची लागण झाल्याचे समोर आले आहे.

दरम्यान राज ठाकरे यांना कोरोनाची सौम्य लक्षणे जाणवत होती. त्यांनी आणि त्यांच्या मातोश्रींनी दोन्ही डोस घेतले होते. मात्र त्यानंतरही त्यांचा कोरोना अहवाल पॉझिटीव्ह आल्याचे समोर आले आहे. राज ठाकरेंचे निवासस्थान पालिकेकडून सॅनिटायझेशन करण्यात येणार असल्याची शक्यता आहे. त्यांच्यावर घरीच वैद्यकीय उपचार केले जाणार असल्याचेही सांगितले जात आहे.