मध्य महाराष्ट्र आणि कोकणातील काही भागांत पावसाच्या सारी बरसणार असून राज्यात अनेक भागात उष्णतेची लाट कायम आहे. हवामान खात्याने दर्शवलेल्या अंदाजानुसार अनेक ठिकाणी आकाश ढगाळ झाले असून, उन्हाचा चटका देखील कमी झाला आहे.

राज्यातील अनेक ठिकाणी ढगाळ हवामानासह विजांचा कडकडाट आणि पावसाची शक्यता दर्शवली आहे. सांगली, पुणे, कराड उमरगा, देवणी, सोलापूर, आटपाडी, इस्लापूर, रत्नागिरी, चिपळूण, वाई, सातारा या भागात चार दिवस ढगाळ वातावरण राहणार आहे, तर पावसाच्या तुरळक सरी पडणार असल्याचा अंदाज व्यक्त केला जात आहे.

दरम्यान, पश्चिम महाराष्ट्र आणि मराठवाड्यात अनेक ठिकाणी वादळी वाऱ्यासह पाऊस झाला आहे. अनेक ठिकाणी यामुळे शेतकऱ्यांचे मोठ्या प्रमाणात नुकसान झाले आहे. या पावसामुळं हाती आलेले गहू, उस, यासरख्या पिकांचे नुकसान झाले आहे. पुन्हा राज्यातील काही भागात पावसाचा इशारा देण्यात आल्याने शेतकऱ्यांनी योग्य ती काळजी घेणं गरजेचं आहे.'