Maharashtra: पुण्यातला एक अमानुष प्रकार समोर आला आहे. एका महिलेला गर्भधारणा व्हावी म्हणून स्मशानातली राख खायला लावल्याची घटना पुढे आली आहे. एका तांत्रिकाने स्मशानातली राख खाण्याचा उपाय सांगितला होता.

तांत्रिकाने सांगितलेल्या उपायानुसार सासरच्या लोकांनी आणि पतीने आपल्याला जबरदस्तीने राख खायला लावली अशी तक्रार एका विवाहितेने पोलिसात दाखल केली आहे. महिलेच्या तक्रारीनंतर सिंहगड पोलीसांनी पीडीतेचा नवरा, सासरची मंडळी आणि एका तांत्रिकासह सात जणांवर प्राथमिक गुन्ह्याची नोंद केली आहे.

पोलीसांनी आईपीसी च्या धारा 498 ए, 323, 504, 506 धारा लावल्या आहेत.त्याचबरोबर या सात लोकांविरोधात अमानवीय, दुष्ट आणि अघोरी प्रथा आणि काला जादू अधिनियम, 2013 अंतर्गतसुद्धा गुन्ह्याची नोंद केली आहे. याबरोबरच पीडीतेने विवाहाच्यावेळी हुंडा मागितल्याचा आरोपसुद्धा लावला आहे.पोलीसांनी दिलेल्या माहितीनुसार,पीडीतेच्या सासरच्यांनी काही अंधविश्वासी विधीमध्ये जबरदस्तीने सामील केले आणि त्यानंतर तिला स्मशानातली राख खाण्यास सांगितले आहे. जिथे या प्रथा केल्या त्या स्मशानाचा आम्ही तपास सुरु केला आहे.

तपासानंतर या संपुर्ण घटनेचा तपशील समोर राहील त्यानंतर आरोपींना अटक करण्यात येईल अशी माहिती पोलीस( Police ) अधिकाऱ्यांनी म्हटले आहे. दरम्यान,मिळालेल्या माहितीनुसार पीडीतेच्या सासरचे लोक शिक्षित आहेत. मात्र अशा अंधश्रद्धावर विश्वास ठेवतात.