मुंबई : विधान परिषदेचे विरोधी पक्षनेते प्रवीण दरेकर हे चौकशीसाठी माता रमाबाई आंबडेकर पोलीस ठाण्यात दाखल झाले असून त्यांनी आपले म्हणने मांडले आहे. मुंबई बँकेची निवडणूक लढवण्यासाठी बनावट कागदपत्रे तयार केल्याचा आरोप त्यांच्यावर झाला होता. त्याप्रकरणी मुंबई पोलिसांनी त्यांना चौकशीसाठी नोटीस बजावली होती. यावेळी पोलीस ठाण्याबाहेर भाजप कार्यकर्त्यांनी गर्दी केली होती. त्यांनी जोरदार घोषणाबाजीही केली. (Praveen Darekar appeared at the police station for questioning in the case of mumbai bank scam)

प्रवीण दरेकर (Leader of Opposition in the Legislative Council Praveen Darekar) यांना मुंबई बँकेच्या निवडणुकीत बोगस मजूर म्हणून अपात्र ठरविण्यात आले होते. त्यानंतर त्याच्याविरोधात माता रमाबाई आंबडेकर पोलीस ठाण्यात गुन्हा दाखल करण्यात आला होता. तर याप्रकरणी त्यांना पोलिसांनी चौकशीसाठी नोटीस बजावली होती.

दरम्यान चौकशीत पोलिसांना (Police) सर्व सहकार्य करणार असल्याचे प्रवीण दरेकर यांनी स्पष्ट केलं आहे. तर आपल्यावर एफआयर दाखल करण्याची पोलिसांना खूप घाई झाली होती. त्यांच्यावर राज्य सरकारचा दबाव होता. मुख्यमंत्र्यांचा देखील कारावाईचा अट्टाहास होता. राज्य सरकारच्या दबावाखाली एफआयआर दाखल झाला असल्याचा आरोप विधान परिषदेचे (Legislative Council) विरोधी पक्षनेते प्रवीण दरेकर यांनी केला आहे.