पंतप्रधान नरेंद्र मोदी यांच्या हस्ते महाराष्ट्रातील समृद्धी महामार्गासह महाराष्ट्रातील रु. 75,000 कोटी रुपयांच्या प्रकल्पांची पायाभरणी आणि लोकार्पण करण्यात आले. यासाठी नरेंद्र मोदी यांनी आज नागपूरमध्ये उपस्थिती लावली आहे. सुरूवातील नागपूर आणि बिलासपूरला जोडणाऱ्या वंदे भारत एक्सप्रेसला पंतप्रधानांनी हिरवा झेंडा दाखवला.

पंतप्रधान नरेंद्र मोदी यांचे नागपूर येथे पारंपारिक महाराष्ट्रीयन पद्धतीने ढोल आणि लेझिम वाजवत स्वागत करण्यात आले. यावेळी ढोल वाजवणाऱ्या मुलांसोबत नरेंद्र मोदी यांना ढोल वाजवण्याचा मोह आवरता आला नाही. त्यांनी देखील यावेळी सर्वांसोबत ढोल वाजवला. याचा व्हिडिओ सध्या सोशल मिडियावर प्रचंड व्हायरल होत आहे.

दरम्यान, पंतप्रधान नरेंद्र मोदी मृद्धी महामार्गाच्या नागपूर आणि शिर्डीला जोडणाऱ्या पहिल्या टप्प्याचे पंतप्रधान करणार लोकार्पण करणार आहेत. पंतप्रधानांनीच जुलै 2017 मध्ये पायाभरणी केलेले एम्स नागपूर पंतप्रधान राष्ट्राला समर्पित करणार आहेत. यासह 75,000 कोटी रुपयांच्या प्रकल्पांची पायाभरणी आणि राष्ट्रार्पण करतील. तसेच, गोव्यातील मोपा विमानतळ आणि इतर प्रकल्पांचे उद्धाटन मोदींच्या हस्ते होणार आहे.