अंमलबजावणी संचालनालयाने (ईडी) बुधवारी दुपारी महाराष्ट्राचे मंत्री नवाब मलिक यांना मनी लाँड्रिंग प्रकरणात अटक केली. सुमारे 8 तास चाललेल्या प्रदीर्घ चौकशीनंतर ईडीने ही कारवाई केली. अटकेनंतर मलिक यांची जेजे रुग्णालयात वैद्यकीय तपासणी करण्यात आली आणि त्यानंतर त्यांना पीएमएलए न्यायालयात (court) हजर करण्यात आले. सुनावणीदरम्यान, ईडीने मलिक यांच्या कोठडीसाठी कोर्टाकडे 14 दिवसांची कोठडी मागितली. न्यायालयाने नवाब मलिक यांना 8 दिवसांच्या म्हणजेच 3 मार्चपर्यंत कोठडी सुनावली आहे.

महाराष्ट्र सरकारने नवाब मलिक (Nawab Malik) यांच्या अटकेवर आक्षेप घेत केंद्र सरकारवर निशाणा साधला आहे. दरम्यान, महाराष्ट्राचे कॅबिनेट मंत्री अजित पवार, छगन भुजबळ, हसन मुश्रीफ, दिलीप पाटील आणि राजेश टोपे यांनी शरद पवार यांच्या घरी पक्षाच्या पुढील कार्यकरणीसाथी बैठक घेतली. त्यात राष्ट्रवादीने (NCP) नवाब मलिक यांचा राजीनामा न स्वीकारण्याचा निर्णय घेतला आहे. शरद पवार यांच्या अध्यक्षतेखाली झालेल्या बैठकीत आम्ही भाजपपुढे झुकणार नाही, असे सांगण्यात आले. तृणमूल काँग्रेसच्या प्रमुख ममता बॅनर्जी यांनीही राष्ट्रवादी काँग्रेसने नवाब यांचा राजीनामा स्वीकारू नये, अशी सूचना केली होती.