मुंबई: ‘‘जेन-झी ही पिढी प्रामाणिक असल्याने माझा तिच्यावर विश्‍वास आहे. पडद्यामागून काम करणे, यश आणि प्रसिद्धी सर्वांमध्ये वाटून घेणे, हे खऱ्या नेतृत्वाचे गुण आहेत, नेतृत्वाने नवे नेते घडवावेत,’’ असे प्रतिपादन राष्ट्रीय स्वयंसेवक संघाचे सरसंघचालक मोहन भागवत यांनी केले.

‘इंडियाज इंटरनॅशनल मूव्हमेंट टू युनाइट नेशन्स’ (आयआयएमयूएन) या संस्थेच्या १५ व्या वर्धापनदिनानिमित्त ‘नीता मुकेश अंबानी कल्चरल सेंटर’ येथे आयोजित वार्षिक चॅम्पियनशिप परिषदेत ते बोलत होते. ‘आयआयएमयूएन’चे संस्थापक ऋषभ शहा यांनी भागवत यांच्याशी संवाद साधला.

‘ती’ मुले आपलीच

आंदोलनाचा उल्लेख करताना भागवत म्हणाले, ‘‘विद्यार्थी एखाद्या प्रश्नासाठी आंदोलन करत असतील तर त्यांना राष्ट्रविरोधी म्हणता येणार नाही. ती आपलीच मुले आहेत.